Taittiriyabrahmana 2.7.2
Taittirīyabrāhmaṇa 2.7.2
- Language
- Sanskrit
2.7.2.1
yád āgneyó bhávati /
agnímukhā hy ṛ́ddhiḥ //
átha yát pauṣṇáḥ /
púṣṭir vái pūṣā́ /
púṣṭir váiśyasya /
púṣṭim evá_avarundhe //
prasavā́ya sāvitráḥ //
átha yát tvāṣṭráḥ /
tváṣṭā hí rūpā́ṇi vikaróti //
nirvaruṇatvā́ya vāruṇáḥ //
2.7.2.2
átho yà evá káś ca sántsūyáte /
sá hí vāruṇáḥ //
átha yád vaiśvadeváḥ /
váiśvadevó hí váiśyaḥ //
átha yán mārutáḥ /
mārutó hí váiśyaḥ //
saptá_etā́ni havī́m̐ṣi bhavanti /
saptágaṇā vái marútaḥ /
pṛ́śniḥ paṣṭhauhī́ mārutyā́_ālabhyate /
víḍ vái marútaḥ /
víśa eváitán madhyatò 'bhíṣicyate /
tásmād vā́ eṣá viśáḥ priyáḥ /
viśó hí madhyatò 'bhiṣicyáte //
ṛṣabhacarmé 'dhyabhíṣiñcati /
sá hí prajanayitā́ //
dadhnā́_abhíṣiñcati /
ū́rg vā́ annā́dyaṃ dádhi /
ūrjā́_eváinam annā́dyena sámardhayati //
Commentaries (4)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Linked texts (3)
- Śūdras in Ancient India: A Social History of the Lower Order down to circa A.D. 600 — R. S. Sharma, English
- Yajurbrāhmaṇa — Sanskrit
- Vedic Index of Names and Subjects — Arthur A. Macdonell & A. Berriedale Keith, English