Taittiriyabrahmana 2.7.3
Taittirīyabrāhmaṇa 2.7.3
- Language
- Sanskrit
2.7.3.1
yád āgneyó bhávati /
āgneyó vái brāhmaṇáḥ //
átha yát saumyáḥ /
saumyó hí brāhmaṇáḥ //
prasavā́ya_evá sāvitráḥ //
átha yád bārhaspatyáḥ /
etád vái brāhmaṇásya vākpatī́yam //
átha yád agnīṣomī́yaḥ /
āgneyó vái brāhmaṇáḥ /
táu yadā́ saṃgácchete //
2.7.3.2
átha vīryā̀vattaro bhavati //
átha yát sārasvatáḥ /
etád dhí pratyákṣaṃ brāhmaṇásya vākpatī́yam //
nirvaruṇatvā́ya_evá vāruṇáḥ /
átho yá evá káś ca sántsūyáte /
sá hí vāruṇáḥ //
átha yád dyāvāpṛthivyàḥ /
índro vṛtrā́ya vájram údayacchat /
táṃ dyā́vāpṛthivī́ ná_ánvamanyetām /
tám eténaivá bhāgadhéyena_ánvamanyetām //
2.7.3.3
vájrasya vā́ eṣò 'numānā́ya /
ánumatavajraḥ sūyātā íti //
aṣṭā́v etā́ni havī́m̐ṣi bhavanti /
aṣṭa_ákṣarā gāyatrī́ /
gāyatrī́ brahmavarcasám /
gāyatriyā́_evá brahmavarcasám ávarundhe //
híraṇyena ghṛtám útpunāti /
téjasa evá rucé //
kṛṣṇājinè 'bhíṣiñcati /
bráhmaṇo vā́ etád ṛksāmáyo rūpám /
yát kṛṣṇājinám /
bráhmann eváinam ṛksāmáyor ádhy abhíṣiñcati //
ghṛténa_abhíṣiñcati /
táthā vīryā́vattaro bhavati //
Commentaries (4)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Linked texts (2)
- Yajurbrāhmaṇa — Sanskrit
- Altindische Grammatik — Jacob Wackernagel & Albert Debrunner, German