Taittiriyabrahmana 2.7.5
Taittirīyabrāhmaṇa 2.7.5
- Language
- Sanskrit
2.7.5.1
yó vái sómena sūyáte /
sá devasaváḥ /
yáḥ paśúnā sūyáte /
sá devasaváḥ /
yá íṣṭyā sūyáte /
sá manuṣyasaváḥ /
etáṃ vái pṛ́thaye devā́ḥ prā́yacchan /
táto vái só 'py āraṇyā́nāṃ paśūnā́m asūyata /
yā́vatīḥ kíyatīś ca prajā́ vā́caṃ vádanti /
tā́sām̐ sárvāsām̐ sūyate //
2.7.5.2
yá eténa yájate /
yá u cainam eváṃ véda //
nārāśam̐syā́_ṛcā́_abhíṣiñcati /
manuṣyā̀ vái nárāśám̐saḥ /
nihnútya vā́vá_etát /
átha_abhíṣiñcati //
yát kíṃ ca rājasū́yam anuttaravedī́kam /
tát sárvaṃ bhavati //
yé me pañcāśátaṃ dadúḥ /
áśvānām̐ sadhástutiḥ /
dyumád agne máhi śrávaḥ /
bṛhát kṛdhi maghónām /
nṛvád amṛta nṛṇā́m //
Commentaries (4)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Linked texts (3)
- Yajurbrāhmaṇa — Sanskrit
- Altindische Grammatik — Jacob Wackernagel & Albert Debrunner, German
- A Vedic Concordance — Maurice Bloomfield, English