Taittiriyabrahmana 2.7.6
Taittirīyabrāhmaṇa 2.7.6
- Language
- Sanskrit
2.7.6.1
eṣá gosaváḥ /
ṣaṭtrim̐śá ukthyò bṛhátsāmā /
pávamāne kaṇvarathaṃtaráṃ bhavati //
yó vái vājapéyaḥ /
sá samrāṭtsaváḥ /
yó rājasū́yaḥ /
sá varuṇasaváḥ /
prajā́patiḥ svā́rājyaṃ parameṣṭhī́ /
svā́rājyaṃ gáur evá //
gáur iva bhavati //
2.7.6.2
yá eténa yájate /
yá u cainam eváṃ véda //
ubhé bṛhadrathaṃtaré bhavataḥ /
tád dhí svā́rājyam //
ayútaṃ dákṣiṇāḥ /
tád dhí svā́rājyam //
pratidhúṣā_abhíṣiñcati /
tád dhí svā́rājyam //
ánuddhate védyai dakṣiṇatá āhavanī́yasya bṛhatástotráṃ praty abhíṣiñcati /
iyáṃ vā́vá rathaṃtarám //
2.7.6.3
asáu bṛhát /
anáyor eváinam ánantarhitam abhíṣiñcati //
paśustomó vā́ eṣáḥ /
téna gosaváḥ /
ṣaṭtrim̐śáḥ sarváḥ //
reváj jātáḥ sáhasā vṛddháḥ /
kṣatrā́ṇāṃ kṣatrabhṛ́ttamo vayodhā́ḥ /
mahā́n mahitvé tastabhānáḥ /
kṣatré rāṣṭré ca jāgṛhi /
prajā́pates tvā parameṣṭhínaḥ svā́rājyenā_abhíṣiñcāmi_íty āha /
svā́rājyam eváinaṃ gamayati //
Commentaries (4)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Linked texts (10)
- Baudhāyanaśrautasūtra — Baudhāyana, Sanskrit
- Yajurbrāhmaṇa — Sanskrit
- Vedic Index of Names and Subjects — Arthur A. Macdonell & A. Berriedale Keith, English
- Altindische Grammatik — Jacob Wackernagel & Albert Debrunner, German
- A Vedic Concordance — Maurice Bloomfield, English
- The Religion and Philosophy of the Veda and Upanishads — Arthur Berriedale Keith, English
- Hindu Administrative Institutions — V. R. Ramachandra Dikshitar, English
- Kāṭhakasaṃhitā — Sanskrit
- The Inner Conflict of Tradition: Essays in Indian Ritual, Kingship, and Society — J. C. Heesterman, English
- Śrautasūtra (Baudhāyana) — Baudhāyana, Sanskrit