Taittiriyabrahmana 3.11.5
Taittirīyabrāhmaṇa 3.11.5
- Language
- Sanskrit
3.11.5.1
saptá te agne samídhaḥ saptá jihvā́ḥ /
saptá_ṛṣayaḥ saptá dhā́ma priyā́ṇi /
saptá hótrā anuvidvā́n /
saptá yónīr ā́pṛṇasvā ghṛténa //
prā́cī dík /
agnír devátā /
agním̐ sá diśā́ṃ deváṃ devátānām ṛcchatu /
yó mā́_etásyai diśò 'bhidā́sati /
dakṣiṇā́ dík /
índro devátā /
3.11.5.2
índram̐ sá diśā́ṃ deváṃ devátānām ṛcchatu /
yó mā etásyai diśò 'bhidā́sati /
pratī́cī dík /
sómo devátā /
sómam̐ sá diśā́m̐ deváṃ devátānām ṛcchatu /
yó mā_etásyai deśò 'bhidā́sati /
údīcī dík /
mitrā́váruṇau devátā /
mitrā́váruṇau sá diśā́ṃ deváu devátānām ṛcchatu /
yó mā_etásyai diśò 'bhidā́sati /
3.11.5.3
ūrdhvā́ dík /
bṛ́haspátir devátā /
bṛ́haspátim̐ sá diśā́ṃ deváṃ devátānām ṛcchatu /
yó mā_etásyai diśò 'bhidā́sati /
iyáṃ dík /
áditir devátā /
áditim̐ sá diśā́ṃ devī́ṃ devátānām ṛcchatu /
yó mā_etásyai diśò 'bhidā́sati /
púruṣo dík /
púruṣo me kā́mānt sámardhayatu /
3.11.5.4
andhó jā́gṛviḥ pāṇa /
ásāv éhi /
badhirá ākrandayitar apāna /
ásāv éhi /
uṣásam_uṣasam aśīya /
ahám áso jyótir aśīya /
ahám áso 'po 'śīya /
vayám̐ syāma pátayo rayīṇā́m /
bhū́r bhúvaḥ svàḥ svā́hā //
Commentaries (4)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
Linked texts (5)
- Kāṭhaka (Taittirīya) — Sanskrit
- Kāṭhakabrāhmaṇa — Sanskrit
- A Vedic Concordance — Maurice Bloomfield, English
- Aśvamedhabhāṣya — Bhaṭṭabhāskara Miśra, Sanskrit
- Taittirīyakāṭhaka — Sanskrit