Taittiriyabrahmana 3.11.7

Taittirīyabrāhmaṇa 3.11.7

Language: Sanskrit

3.11.7.1

ayáṃ vā́vá yáḥ pávate /
sò 'gnír nāciketáḥ /
sá yát prā́ṅ pávate /
tád asya śíraḥ /
átha yád dakṣiṇā́ /
sá dákṣiṇaḥ pakṣáḥ /
átha yát pratyák /
tát púccham /
yád údaṅ /
sá úttaraḥ pakṣáḥ /

átha yát saṃvā́ti /
tád asya samáñcanaṃ ca prasā́raṇaṃ ca /
átho sampád evā́sya sā́ //
sám̐ ha vā́ asmai sá kā́maḥ padyate /
yátkāmo yájate /
yò 'gníṃ nāciketáṃ cinuté /
yá u ca_enam eváṃ véda //
yó ha vā́ agnér nāciketásya_āyátanaṃ pratiṣṭhā́ṃ véda /
āyátanavān bhavati /
gácchati pratiṣṭhā́m /

3.11.7.3

híraṇyaṃ vā́ agnér nāciketásya_āyátanaṃ pratiṣṭhā́ /
yá eváṃ véda /
āyátanavān bhavati /
gácchati pratiṣṭhā́m //
yó ha vā́ agnér nāciketásya śárīraṃ véda /
sáśarīra evá svargáṃ lokám eti /
híraṇyaṃ vā́ agnér nāciketásya śárīram /
yá eváṃ véda /
sáśarīra evá svargáṃ lokám eti //
átho yáthā rukmá úttapto bhāyyā́t /

3.11.7.4

evám evá sá téjasā yáśasā /
asmím̐ś ca lokè 'múṣmim̐ś ca bhāti //
urávo ha vái nā́ma_eté lokā́ḥ /
yé 'vareṇa_ādityám /
átha ha_eté várīyām̐so lokā́ḥ /
yé páreṇa_ādityám /
ántavantam̐ ha vā́ eṣá kṣayyáṃ lokáṃ jayati /
yó 'vareṇa_ādityám /
átha ha_eṣò 'nantám apārám akṣayyáṃ lokáṃ jayati /
yáḥ páreṇa_ādityám //

3.11.7.5

anantám̐ ha vā́ apārám akṣayyáṃ lokáṃ jayati /
yò 'gníṃ nāciketáṃ cinuté /
yá u ca_enam eváṃ véda //
átho yáthā ráthe tíṣṭhan pákṣasī páryāvártamāne pratyápekṣate /
evám ahorātré pratyápekṣate /
nā́syāhorātré lokám āpnutaḥ /
yò 'gníṃ nāciketáṃ cinuté /
yá u ca_enam eváṃ véda //

Commentaries (4)

Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Taittirīyabrāhmaṇabhāṣya (Sāyaṇa) — Sāyaṇa, Sanskrit
Taittirīyabrāhmaṇaṭīkā — Sanskrit
Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit

Linked texts (4)

Kāṭhaka (Taittirīya) — Sanskrit
Kāṭhakabrāhmaṇa — Sanskrit
Aśvamedhabhāṣya — Bhaṭṭabhāskara Miśra, Sanskrit
Taittirīyakāṭhaka — Sanskrit