Taittiriyabrahmana 3.12.8
Taittirīyabrāhmaṇa 3.12.8
- Language
- Sanskrit
3.12.8.1
sárvāṃ dívam̐ sárvān devā́n diví /
yác cāntár bhūtáṃ prátiṣṭhitam /
sárvās tā́ íṣṭakāḥ kṛtvā́ /
úpa kāmadúghā dadhe /
téna_ ṛ́ṣiṇā téna bráhmaṇā /
táyā devátayāṅgirasvád dhruvā́ sīda //
yā́vatīs tā́rakāḥ sárvāḥ /
vítatā rocané diví /
sárvās tā́ḥ //
ṛ́co yájūm̐ṣi sā́māni /
3.12.8.2
atharvāṅgirásaś ca yé /
sárvās tā́ḥ //
itihāsapurāṇáṃ ca /
sarpadevajanā́ś ca yé /
sárvās tā́ḥ //
yé ca lokā́ yé cālokā́ḥ /
antár bhūtáṃ prátiṣṭhitam /
sárvās tā́ḥ //
yác ca bráhma yác cābrahmá /
antár brahmán prátiṣṭhitam /
3.12.8.3
sárvās tā́ḥ //
ahorātrā́ṇi sárvāṇi /
ardhamāsā́m̐ś ca kévalān /
sárvās tā́ḥ //
sárvān ṛtū́nt sárvān māsā́n /
saṃvatsaráṃ ca kévalam /
sárvās tā́ḥ //
sárvaṃ bhūtám̐ sárvaṃ bhávyam /
yác cātó 'dhibhaviṣyáti /
sárvās tā́ íṣṭakāḥ kṛtvā́ /
úpa kāmadúghā dadhe /
téná_ṛṣiṇā téna bráhmaṇā /
táyā devátayāṅgirasvád dhruvā́ sīda //
Commentaries (4)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇaṭīkā — Sanskrit
Linked texts (7)
- Kāṭhaka (Taittirīya) — Sanskrit
- Kāṭhakabrāhmaṇa — Sanskrit
- A Vedic Concordance — Maurice Bloomfield, English
- Aśvamedhabhāṣya — Bhaṭṭabhāskara Miśra, Sanskrit
- Taittirīyakāṭhaka — Sanskrit
- Vedic Index of Names and Subjects — Arthur A. Macdonell & A. Berriedale Keith, English
- Ancient Indian Education (Brahmanical and Buddhist) — Radhakumud Mookerji, English