Taittiriyabrahmana 3.4

Taittirīyabrāhmaṇa 3.4

Language: Sanskrit

3.4.1.1

bráhmaṇe brāhmaṇám ā́labhate /
kṣatrā́ya rājanyàm /
marúdbhyo váiśyam /
tápase śūdrám /
támase táskaram /
nā́rakāya vīraháṇam /
pāpmáne klībám /
ākrayā́yāyogū́m /
kā́māya pum̐ścalū́m /
átikruṣṭāya māgadhám //

3.4.2.1

gītā́ya sūtám /
nṛttā́ya śailūṣám /
dhármāya sabhācarám /
narmáya rebhám /
náriṣṭhāyai bhīmalám /
hásāya kā́rim /
ānandā́ya strīṣakhám /
pramúde kumārīputrám /
medhā́yai rathakārám /
dháiryāya tákṣāṇam //

3.4.3.1

śrámāya kaulālám /
māyā́yai kārmārám /
rūpā́ya maṇikārám /
śúbhe vapám /
śaravyā̀yā iṣukārám /
hetyái dhanvakārám /
kármaṇe jyākārám /
diṣṭā́ya rajjusargám /
mṛtyáve mṛgayúm /
ántakāya śvanítam //

3.4.4.1

saṃdháye jārám /
gehā́ya_upapatím /
nírṛtyai parivittám /
ā́rtyai parivividānám /
árādhyai didhiṣūpátim /
pavítrāya bhiṣájam /
prajñā́nāya nakṣatradarśám /
níṣkṛtyai peśaskārī́m /
bálāya_upadā́m /
várṇāyānūrúdham //

3.4.5.1

nadī́bhyaḥ pauñjiṣṭám /
ṛkṣī́kābhyo náiṣādam /
puruṣavyāghrā́ya durmádam /
prayúdbhya únmattam /
gandharvāpsarā́bhyo vrā́tyam /
sarpadevajanébhyó 'pratipadam /
ávebhyaḥ kitavám /
iryátāyā ákitavam /
piśācébhyo bidalakārám /
yātudhā́nebhyaḥ kaṇṭakakārám //

3.4.6.1

utsādébhyaḥ kubjám /
pramúde vāmanám /
dvārbhyáḥ srāmám /
svápnāyāndhám /
ádharmāya badhirám /
saṃjñā́nāya smarakārī́m /
prakāma_údyāya_upasádam /
āśikṣā́yai praśnínam /
upaśikṣā́yā abhipraśnínam /
maryā́dāyai praśnavivākám //

3.4.7.1

ṛ́tyai stenáhṛdayam /
váirahatyāya píśunam /
vívittyai kṣattā́ram /
áupadraṣṭāya saṃgrahītā́ram /
bálāyānucarám /
bhūmné pariṣkandám /
priyā́ya priyavādínam /
áriṣṭyā aśvasādám /
médhāya vāsaḥpalpūlī́m /
prakāmā́ya rajayitrī́m //

3.4.8.1

bhā́yai dārvāhārám /
prabhā́yā āgnendhám /
nā́kasya pṛṣṭhā́yābhiṣektā́ram /
bradhnásya viṣṭápāya pātranirṇegám /
devalokā́ya peśitā́ram /
manuṣyalokā́ya prakaritā́ram /
sárvebhyo lokébhya_upasektā́ram /
ávartyai vadhā́ya_upamanthitā́ram /
suvargā́ya lokā́ya bhāgadúgham /
várṣiṣṭhāya nā́kāya pariveṣṭā́ram //

3.4.9.1

ármebhyo hastipám /
javā́yāśvapám /
púṣṭyai gopālám /
téjase 'japālám /
vīryā̀yāvipālám /
írāyai kīnā́śam /
kilā́lāya surākārám /
bhadrā́ya gṛhapám /
śréyase vittapám /
ádhyakṣāyānukṣattā́ram //

3.4.10.1

manyáve 'yastāpám /
kródhāya nisarám /
śókāyābhisarám /
utkūlavikūlā́bhyāṃ tristhínam /
yógāya yoktā́ram /
kṣémāya vimoktā́ram /
vápuṣe mānaskṛtám /
śī́lāyāñjanīkārám /
nírṛtyai kośakārī́m /
yamā́yāsū́m //

3.4.11.1

yamyài yamasū́m /
átharvabhyo 'vatokām /
saṃvatsarā́ya paryāríṇīm /
parivatsarā́yā́vijātām /
idāvatsarā́yāpaskádvarīm /
idvatsarā́yātī́tvarīm /
vatsarā́ya víjarjarām /
sarvaṃtsarā́ya páliknīm /
vánāya vanapám /
anyáto'raṇyāya dāvapám //

3.4.12.1

sárobhyo dhaivarám /
véśantābhyo dā́śam /
upasthā́varībhyo báindam /
naḍvalā́bhyaḥ śauṣkalám /
pāryā̀ya kaivartám /
avāryā̀ya mārgārám /
tīrthébhya āndám /
víṣamebhyo mainālám /
svánebhyaḥ párṇakam /
gúhābhyaḥ kírātam /
sā́nubhyo jámbhakam /
párvatebhyaḥ kíṃpūruṣam //

3.4.13.1

pratiśrútkāyā ṛtulám /
ghóṣāya bhaṣám /
ántāya bahuvādínam /
anantā́ya mū́kam /
máhase vīṇāvādám /
króśāya tūṇavadhmám /
ākrandā́ya dundubhyāghātám /
avarasparā́ya śaṅkhadhmám /
ṛbhúbhyó 'jinasaṃdhāyám /
sādhyébhyaś carmamṇám //

3.4.14.1

bībhatsā́yai paulkasám /
bhū́tyai jāgaraṇám /
ábhūtyai svapanám /
tulā́yai vāṇijám /
várṇāya hiraṇyakārám /
víśvebhyo devébhyaḥ sidhmalám /
paścāddoṣā́ya glāvám /
ṛ́tyai janavādínam /
vyṛ̀ddhyā apagalbhám /
sam̐śarā́ya pracchídam //

3.4.15.1

hásāya pum̐ścalū́m ā́labhate /
vīṇāvādáṃ gáṇakaṃ gītā́ya /
yādase śābulyā́m /
narmā́ya bhadravatī́m /
tūṇavadhmáṃ grāmaṇyàṃ pāṇisaṃghātáṃ nṛttā́ya /
módāyānukróśakam /
ānandā́ya talavám //

3.4.16.1

akṣarājā́ya kitavám /
kṛtā́ya sabhāvínam /
trétāyā ādinavadarśám /
dvāparā́ya bahiḥsádam /
kálaye sabhāsthāṇúm /
duṣkṛtā́ya carákācāryam /
ádhvane brahmacāríṇam /
piśācébhyaḥ sailagám /
pipāsā́yai govyacchám /
nírṛtyai goghātám /
kṣudhé govikartám /
kṣuttṛṣṇā́bhyāṃ tám /
yó gā́ṃ vikṛ́ntantaṃ mām̐sáṃ bhíkṣamāṇa upatíṣṭhate //

Commentaries (4)

Taittirīyabrāhmaṇabhāṣya (Sāyaṇa) — Sāyaṇa, Sanskrit
Taittirīyabrāhmaṇaṭīkā — Sanskrit
Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit

Linked texts (15)

Vedic Index of Names and Subjects — Arthur A. Macdonell & A. Berriedale Keith, English
Mānasāra Series (I. A Dictionary of Hindu Architecture; II. Indian Architecture according to Mānasāra-Śilpaśāstra; III. Mānasāra on Architecture and Sculpture: Sanskrit Text; IV. Architecture of Mānasāra: Translation; V. Architecture of Mānasāra: Illustrations; VI. Hindu Architecture in India and Abroad; VII. An Encyclopaedia of Hindu Architecture) — Prasanna Kumar Acharya, English
Social and Rural Economy of Northern India, cir. 600 B.C.–200 A.D. — Atindranath Bose, English
Republics in Ancient India, c. 1500 B.C.–500 B.C. — J. P. Sharma, English
The History and Culture of the Indian People — R. C. Majumdar & A. D. Pusalker, English
Original Sanskrit Texts on the Origin and History of the People of India, their Religion and Institutions — John Muir, English
A Vedic Concordance — Maurice Bloomfield, English
Tribes in Ancient India — Bimala Churn Law, English
Śūdras in Ancient India: A Social History of the Lower Order down to circa A.D. 600 — R. S. Sharma, English
Die Kosmographie der Inder nach den Quellen dargestellt — Willibald Kirfel, German
Yajurveda (ed. Wasudev Laxman Sastri Pansikar) — Sanskrit
Kāṇvaśākhā — Sanskrit
Kāṇvasaṃhitā Śuklayajurveda — Sanskrit
The World of Courtesans — Moti Chandra, English
Local Government in Ancient India — Radhakumud Mookerji, English