Taittiriyabrahmana 3.5.2
Taittirīyabrāhmaṇa 3.5.2
- Language
- Sanskrit
3.5.2.1
prá vo vā́jā abhídyavaḥ /
havíṣmanto ghṛtā́cyā /
devā́ñ jigāti sumnayúḥ /
ágna ā́yāhi vītáye /
gṛṇānó havyádātaye /
ní hótā satsi barhíṣi /
táṃ tvā samídbhir aṅgiraḥ /
ghṛténa vardhayāmasi /
bṛhát_śocā yaviṣṭhya /
sá naḥ pṛthú śravā́yyam //
3.5.2.2
ácchā deva vivāsasi /
bṛhád agne suvī́ryam /
īḍényo namasyàs, tiráḥ /
támām̐si darśatáḥ /
sám agnír idhyate vṛ́ṣā /
vṛ́ṣo agníḥ sámidhyate /
áśvo ná devavā́hanaḥ /
tám̐ havíśmanta īḍate /
vṛ́ṣaṇaṃ tvā vayaṃ vṛ́ṣan /
vṛ́ṣāṇaḥ sámidhīmahi //
3.5.2.3
ágne dī́dyataṃ bṛhát /
agníṃ dūtáṃ vṛṇīmahe /
hótāraṃ viśvávedasam /
asyá yajñásya sukrátum /
samidhyámāno adhvaré /
agníḥ pāvaká ī́ḍyaḥ /
śocíṣkeśas tám īmahe /
sámiddho agna āhuta /
devā́n yakṣi svadhvara /
tvám̐ hí havyavā́ḍ ási /
ā́juhota duvasyáta /
agníṃ prayaty àdhvaré /
vṛṇīdhvám̐ havyavā́hanam /
tváṃ váruṇa utá mitró agne /
tvā́ṃ vardhanti matíbhir vásiṣṭhāḥ /
tvé vásu suṣaṇanā́ni santu /
yūyáṃ pāta svastíbhiḥ sádā naḥ //
Commentaries (4)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Linked texts (5)
- A Vedic Concordance — Maurice Bloomfield, English
- Āpastambakalpasūtra — Āpastamba, Sanskrit
- Āpastambasūtra — Āpastamba, Sanskrit
- Altindische Grammatik — Jacob Wackernagel & Albert Debrunner, German
- Ancient Indian Education (Brahmanical and Buddhist) — Radhakumud Mookerji, English