Taittiriyabrahmana 3.6.14
Taittirīyabrāhmaṇa 3.6.14
- Language
- Sanskrit
3.6.14.1
deváṃ barhíḥ /
vasuváne vasudhéyasya vetu /
devī́r dvā́raḥ /
vasuváne vasudhéyasya viyantu /
devī́ uṣā́sā_náktā /
vasuváne vasudhéyasya vītām /
devī́ jóṣṭrī /
vasuváne vasudhéyasya vītām /
devī́ ūrjā́hutī /
vasuváne vasudhéyasya vītām //
3.6.14.2
devā́ dáivyā hótārā /
vasuváne vasudhéyasya vītām /
devī́s tisrás tisró devī́ḥ /
vasuváne vasudhéyasya viyantu /
devó narāśám̐saḥ /
vasuváne vasudhéyasya vetu /
devó vanaspátiḥ /
vasuváne vasudhéyasya vetu /
deváṃ barhír vā́ritīnām /
vasuváne vasudhéyasya vetu //
3.6.14.3
devó agnír sviṣṭakṛ́t /
sudráviṇā mandráḥ kavíḥ /
satyámanmā_āyajī́ hótā /
hótur_hotur ā́yajīyān /
ágne yān devān áyāṭ /
yā́m̐ ápipreḥ /
yé te hotré ámatsata /
tā́m̐ sasanúṣīm̐ hótrāṃ devaṃgamā́m /
diví devéṣu yajñám éraya_imám /
sviṣṭakṛ́c cā́gne hótā_abhuḥ /
vasuváne vasudhéyasya namovāké vī́hi //
Linked texts (1)
- Kāṭhakasaṃhitā — Sanskrit