Taittiriyabrahmana 3.6.7
Taittirīyabrāhmaṇa 3.6.7
- Language
- Sanskrit
3.6.7.1
juṣásva sapráthastamam /
váco devápsarastamam /
havyā́ júhvāna āsáni /
imáṃ no yajñám amṛ́teṣu dhehi /
imā́ havyā́ jātavedo juṣasva /
stokā́nām agne médaso ghṛtásya /
hótaḥ prā́śāna prathamó niṣádya /
ghṛtávantaḥ pāvaka te /
stokā́ḥ ścotanti médasaḥ /
svádharmaṃ devávītaye //
3.6.7.2
śréṣṭhaṃ no dhehi vā́ryam /
túbhyam̐ stokā́ ghṛtaścútaḥ /
ágne víprāya santya /
ṛ́ṣiḥ śréṣṭhaḥ sámidhyase /
yajñásya prāvitā́ bhava /
túbhyam̐ ścotanty adhrigo śacīvaḥ /
stokā́so agne médaso ghṛtásya /
kaviśastó bṛhatā́ bhānúnā_ā́gāḥ /
havyā́ juṣasva medhira /
ójiṣṭhaṃ te madhyató méda údbhṛtam /
prá te vayáṃ dadāmahe /
ścótanti te vaso stokā́ ádhi tvací /
práti tā́n devaśó vihi //
Commentaries (4)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇaṭīkā — Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Linked texts (4)
- Kāṭhakasaṃhitā — Sanskrit
- A Vedic Concordance — Maurice Bloomfield, English
- Āśvalāyanasaṃhitā — Sanskrit
- Śrautakośa — Sanskrit