Taittiriyabrahmana 3.6.8
Taittirīyabrāhmaṇa 3.6.8
- Language
- Sanskrit
3.6.8.1
ā́ vṛtrahaṇā vṛtrahábhiḥ śúṣmaiḥ /
índra yātáṃ námobhir agne arvā́k /
yuvám̐ rā́dhobhir ákavebhir indra /
ágne asmé bhavatam uttamébhiḥ /
hótā yakṣad indrāgnī́ /
chā́gasya vapā́yā médasaḥ /
juṣétām̐ havíḥ /
hótar yája /
ví hy ákhyan mánasā vásya icchán /
índrāgnī jñāsá utá vā sajātā́n //
3.6.8.2
nā́nyā́ yuvát prámatir asti máhyam /
sá vāṃ dhíyaṃ vājayántīm atakṣam /
hótā yakṣad indrāgnī́ /
puroḍā́śasya juṣétām̐ havíḥ /
hótar yája /
tvā́m īḍate ajiráṃ dūtyā̀ya /
havíṣmantaḥ sadam ín mā́nuṣāsaḥ /
yásya deváir ā́sado barhír agne /
áhāny asmai sudínā bhavantu /
hótā yakṣad agním /
puroḍā́śasya juṣátām̐ havíḥ /
hótar yája //
Commentaries (4)
- Taittirīyabrāhmaṇaṭīkā — Sanskrit
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Linked texts (2)
- A Vedic Concordance — Maurice Bloomfield, English
- Śrautakośa — Sanskrit