Taittiriyabrahmana 3.8.19
Taittirīyabrāhmaṇa 3.8.19
- Language
- Sanskrit
3.8.19.1
ekayūpó vā_ekādaśínī vā /
anyéṣāṃ yajñā́nāṃ yū́pā bhavanti /
ekavim̐śíny aśvamedhásya /
svargásya lokásyābhíjityai //
bailvó vā khādiró vā pālāśó vā /
anyéṣāṃ yajñakratūnā́ṃ yū́pā bhavanti /
rā́jjudāla ékavim̐śatyaratnir aśvamedhásya /
suvargásya lokásya sámaṣṭyai //
nā́nyéṣāṃ paśūnā́ṃ tejanyā́ avadyánti /
ávadyanty áśvasya /
3.8.19.2
pāpmā́ vái tejanī́ /
pāpmánó 'pahatyai //
plakṣaśākhā́yām anyéṣāṃ paśūnā́m avadyánti /
vetasaśākhā́yām áśvasya /
apsúyonir vā́ áśvaḥ /
apsujó vetasáḥ /
svá evā́sya yónāv ávadyati //
yū́peṣu grāmyā́n paśū́n niyuñjánti /
ārokéṣv āraṇyā́n dhārayanti /
paśūnā́ṃ vyā́vṛttyai //
ā́ grāmyā́n paśū́n_lábhante /
prá_āraṇyā́nt sṛjanti /
pāpmánó 'pahatyai //
Commentaries (1)
- Taittirīyabrāhmaṇabhāṣya (Sāyaṇa) — Sāyaṇa, Sanskrit