Taittiriyabrahmana 3.8.22
Taittirīyabrāhmaṇa 3.8.22
- Language
- Sanskrit
3.8.22.1
devā́ vā́ aśvamedhé pávamāne /
suvargáṃ lokáṃ ná prā́jānan /
tám áśvaḥ prā́jānāt /
yád aśvamedhé 'śvèna médhyena_údañco bahiṣpavamānám̐ sárpanti /
suvargásya lokásya prájñātyai /
ná vái manuṣyaḥ suvargáṃ lokám áñjasā veda /
áśvo vái suvargáṃ lokám áñjasā veda //
yád udgātā́_udgā́yet /
yáthā_ákṣetrajño 'nyéna pathā́ pratipādáyet /
tādṛ́k tát /
3.8.22.2
udgātā́ram aparúddhya /
áśvam udgīthā́ya vṛṇīte /
yáthā kṣétrajñó 'ñjasā náyati /
evám eváinam áśvaḥ suvargáṃ lokám áñjasā nayati //
púccham anvā́rabhante /
suvargásya lokásya sámaṣṭyai //
híṃ karoti /
sā́ma_evā́kaḥ /
híṃ karoti /
udgīthá evā́sya sáḥ //
3.8.22.3
váḍabā úparundhanti /
mithunatvā́ya prájātyai /
átho yáthā_upagātā́ra upagā́yanti /
tādṛ́g evá tát //
údagāsīd áśvo médhya íty āha /
prājāpatyó vā́ áśvaḥ /
prajā́patir udgītháḥ /
udgīthám evā́varundhe /
átho ṛksāmáyor evá prátitiṣṭhati //
híraṇyena_upā́karoti /
jyótir vái híraṇyam /
jyótir evá mukható dadhāti /
yájamāne ca prajā́su ca /
átho híraṇyajyotir evá yájamānaḥ suvargáṃ lokám eti //
Commentaries (4)
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇabhāṣya (Sāyaṇa) — Sāyaṇa, Sanskrit
Linked texts (2)
- Aśvamedhabhāṣya — Bhaṭṭabhāskara Miśra, Sanskrit
- A Vedic Concordance — Maurice Bloomfield, English