Taittiriyabrahmana 3.9.11
Taittirīyabrāhmaṇa 3.9.11
- Language
- Sanskrit
3.9.11.1
vaiśvadevó vā́ áśvaḥ /
táṃ yát prājāpatyáṃ kuryā́t /
yā́ devátā ápibhāgāḥ /
tā́ bhāgadhéyena vyàrdhayet /
devátābhyaḥ samádaṃ dadhyāt /
stegā́n dám̐ṣṭrābhyāṃ maṇḍū́kāñ jámbhyebhir íti /
ā́jyam avadā́naṃ kṛtvā́ pratisaṃkhyā́yam ā́hutīr juhoti /
yā́ evá devátā ápibhāgāḥ /
tā́ bhāgadhéyena sámardhayati /
ná devátābhyaḥ samádaṃ dadhāti //
3.9.11.2
cáturdaśa_etā́n anuvākā́ñ juhoty ánantarityai //
prayāsā́ya svā́hā_íti pañcadaśám /
páñcadaśa vā́ ardhamāsásya rā́trayaḥ /
ardhamāsaśáḥ saṃvatsará āpyate //
devāsurā́ḥ sáṃyattā āsan /
tè 'bruvann agnáyaḥ sviṣṭakṛ́taḥ /
áśvasya médhyasya vayám uddhārám úddharāmahai /
átha_etā́n abhíbhavāma_íti /
té lóhitam údaharanta /
táto devā́ ábhavan /
3.9.11.3
párā_ásurāḥ /
yát sviṣṭakṛ́dbhyo lóhitaṃ juhóti bhrā́tṛvyābhibhūtyai /
bhávaty ātmánā /
párā_asya bhrā́tṛvyo bhavati //
gomṛgakaṇṭhéna prathamām āhutiṃ juhoti /
paśavo vái gomṛgáḥ /
rudrò 'gníḥ sviṣṭakṛ́t /
rudrā́d evá paśū́n antárdadhāti /
átho yátra_eṣā́_ā́hutir hūyáte /
ná tátra rudráḥ paśū́n abhímanyate //
3.9.11.4
aśvaśaphéna dvitī́yām ā́hutiṃ juhoti /
paśávo vā́ ékaśapham /
rudrò 'gníḥ sviṣṭakṛ́t /
rudrā́d evá paśū́n antárdadhāti /
átho yátra_eṣā́_ā́hutir hūyáte /
ná tátra rudráḥ paśū́n abhímanyate //
ayasmáyena kamaṇḍalunā tṛtī́yām ā́hutiṃ juhoty āyāsyò vái prajā́ḥ /
rudrò 'gníḥ sviṣṭakṛ́t /rudrā́d evá prajā́ antárdadhāti /
átho yátra_eṣā́_ā́hutir hūyáte /
ná tátra rudráḥ prajā́ abhímanyate //
Commentaries (5)
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Yajurbrahmaṇabhāṣya — Sāyaṇācārya, Sanskrit
Linked texts (1)
- Mādhyandina — Sanskrit
Discussed in (1)
- A Vedic Concordance — Bloomfield 1906, English