Taittiriyabrahmana 3.9.15
Taittirīyabrāhmaṇa 3.9.15
- Language
- Sanskrit
3.9.15.1
sárveṣu vā́ eṣú lokéṣu mṛtyávo 'nvā́yattāḥ /
tébhyo yád āhutīr ná juhuyā́t /
loké_loka enaṃ mṛtyúr vindet /
mṛtyáve svā́hā mṛtyáve svā́hā_íty abhipūrvám ā́hutīr juhoti /
lokā́l_lokād evá mṛtyúm ávayajate /
ná_enaṃ loké_loke mṛtyúr vindati //
yád amúṣmai svā́hā_amúṣmai svā́hā_íti júhvat saṃcákṣīta /
bahúṃ mṛtyúm amítraṃ kurvīta /
mṛtyáve svā́hā_íty ékasmā evá_ékāṃ juhuyāt /
éko vā́ amúṣmin_ loké mṛtyúḥ /
3.9.15.2
aśanayāmṛtyúr evá /
tám evā́múṣmin_loké 'vayajate /
bhrūṇahatyā́yai svā́hā_íty avabhṛthá ā́hutiṃ juhoti /
bhrūṇahatyā́m evā́vayajate //
tád āhuḥ /
yád bhrūṇahatyā́_apātryā́tha /
kásmād yajñé 'pi kriyata íti //
ámṛtyur vā́ anyó bhrūṇahatyā́yā íty āhuḥ /
bhrūṇahatyā́ vā́vá mṛtyúr íti /
yád bhrūṇahatyā́yai svā́hā_íty avabhṛthá ā́hutiṃ juhóti /
3.9.15.3
mṛtyúm evá_ā́hutyā tarpayitvā́ paripā́ṇaṃ kṛtvā́ /
bhrūṇaghné bheṣajáṃ karoti //
etā́m̐ ha vái muṇḍibhá audanyaváḥ /
bhrūṇahatyā́yai prā́yaścittiṃ vidā́ṃ cakāra /
yó hāsyā́pi prajā́yāṃ brāhmaṇám̐ hánti /
sárvasmai tásmai bheṣajáṃ karoti //
jumbakā́ya svā́hā_íty avabhṛthá uttamā́m ā́hutiṃ juhoti /
váruṇo vái jumbakáḥ /
antatá evá váruṇam ávayajate //
khalatér viklidhásya śuklásya piṅgākṣásya mūrdhán juhoti /
etád vái váruṇasya rūpáṃ /
rūpéṇa_evá váruṇam ávayajate //
Commentaries (5)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇaṭīkā — Sanskrit
- Yajurbrahmaṇabhāṣya — Sāyaṇācārya, Sanskrit
Linked texts (1)
- Mādhyandina — Sanskrit
Discussed in (4)
- A Vedic Concordance — Bloomfield 1906, English
- The Religion and Philosophy of the Veda and Upanishads — Keith 1925, English
- History of Dharmaśāstra (Ancient and Mediaeval Religious and Civil Law in India) — Kane 1930, English
- Vedic Index of Names and Subjects — Macdonell & Keith 1912, English