Taittiriyabrahmana 3.9.18
Taittirīyabrāhmaṇa 3.9.18
- Language
- Sanskrit
3.9.18.1
tád āhuḥ /
dvā́daśa brahmaudanā́nt sám̐sthite nírvapet /
dvādaśábhir véṣṭibhir yajeta_íti //
yád íṣṭibhir yájeta /
upanā́muka enaṃ yajñáḥ syāt /
pā́pīyām̐s tú syāt /
āptā́ni vā́ etásya chándām̐si /
yá ījānáḥ /
tā́ni ká etā́vadāśu púnaḥ práyuñjīta_íti /
sárvā vái sám̐sthite yajñé vā́g āpyate /
3.9.18.2
sā́_āptā́ bhavati yātáyāmnī /
krūrī́kṛtā_iva hí bhávaty áruṣkṛtā /
sā́ ná púnaḥ prayújyā_íty āhuḥ //
dvā́daśa_evá brahmaudanā́nt sám̐sthite nírvapet /
prajā́patir vā́ odanáḥ /
yajñáḥ prajā́patiḥ /
upanā́muka enaṃ yajñó bhavati /
ná pā́pīyān bhavati //
dvā́daśa bhavanti /
dvā́daśa mā́sāḥ saṃvatsaráḥ /
saṃvatsará evá prátitiṣṭhati //
Commentaries (4)
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇabhāṣya (Sāyaṇa) — Sāyaṇa, Sanskrit
Linked texts (7)
- Mādhyandina — Sanskrit
- Āpastambaśrautasūtra — Āpastamba, Sanskrit
- Vārāhaśrautasūtra — Sanskrit
- Aśvamedhabhāṣya — Bhaṭṭabhāskara Miśra, Sanskrit
- Hiraṇyakeśiśrautasūtra (ed. Kāśīnāthaśāstrī Āgāśe, Ānandāśrama 1907, with Mahādeva's Vaijayantī) — Sanskrit
- Śrautasūtra (Āpastamba) — Āpastamba, Sanskrit
- Maitrāyaṇīyavārāhasūtra — Sanskrit