Taittiriyabrahmana 3.9.20
Taittirīyabrāhmaṇa 3.9.20
- Language
- Sanskrit
3.9.20.1
tārpyéṇā́śvam̐ sáṃjñapayanti /
yajñó vái tārpyám /
yajñéna_eváin am̐ sámardhayanti //
yāména sā́mnā prastotā́_anū́patiṣṭhate /
yamalokám eváinaṃ gamayati //
tārpyé ca kṛtyadhīvāsé cā́śvam̐ sáṃjñapayanti /
etád vái paśūnā́m̐ rūpám /
rūpéṇa_evá paśūn ávarundhe //
hiraṇyakaśipú bhavati /
téjasó 'varuddhyai //
3.9.20.2
rukmó bhavati /
suvargásya lokásyā́nukhyātyai /
áśvo bhavati /
prajā́pater ā́ptyai //
asyá vái lokásya rūpáṃ tārpyám /
antárikṣasya kṛtyadhīvāsáḥ /
divó hiraṇyakaśipú /
ādityásya rukmáḥ /
prajā́pater áśvaḥ /
imám evá lokáṃ tārpyéṇa_āpnoti /
3.9.20.3
antárikṣaṃ kṛtyadhīvāséna /
dívam̐ hiraṇyakaśipúnā /
ādityám̐ rukméṇa /
áśvena_evá médhyena prajā́pateḥ sā́yujyam̐ salokátām āpnoti //
etā́sām evá devátānām̐ sā́yujyam /
sārṣṭítām̐ samānalokátām āpnoti /
yò 'śvamedhéna yájate /
yá u ca_enam eváṃ véda //
Commentaries (5)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Yajurbrahmaṇabhāṣya — Sāyaṇācārya, Sanskrit