Taittiriyabrahmana 3.9.23
Taittirīyabrāhmaṇa 3.9.23
- Language
- Sanskrit
3.9.23.1
yó vā́ áśvasya médhyasya lómanī véda /
áśvasyaivá médhyasya lómam̐llomañjuhoti /
ahorātré vā́ áśvasya médhyasya lómanī /
yát sāyámprātar juhóti /
áśvasyaivá médhyasya lómam̐llomañ juhoti /
etádanukṛti ha sma vái purā́ /
áśvasya médhyasya lómam̐llomañ juhvati /
yó vā́ áśvasya médhyasya padé véda /
áśvasyaivá médhyasya padépade juhoti /
darśapūrṇamāsáu vā́ áśvasya médhyasya padé //
3.9.23.2
yád darśapūrṇamāsáu yájate /
áśvasyaivá médhyasya padépade juhoti /
etádanukṛti ha sma vái purā́ /
áśvasya médhyasya padépade juhvati /
yó vā́ áśvasya médhyasya vivártanaṃ véda /
áśvasyaivá médhyasya vivártane vivartane juhoti /
asáu vā́ ādityó 'śvaḥ /
sá āhavanī́yam ā́gacchati /
tád vívartate /
yád agnihotráṃ juhóti /
áśvasyaivá médhyasya vivártanevivartane juhoti /
etádanukṛti ha sma vái purā́ /
áśvasya médhyasya vivártanevivartane juhvati //
Commentaries (1)
- Taittirīyabrāhmaṇabhāṣya (Sāyaṇa) — Sāyaṇa, Sanskrit