Taittiriyabrahmana 3.9.3
Taittirīyabrāhmaṇa 3.9.3
- Language
- Sanskrit
3.9.3.1
asmái vái lokā́ya grāmyā́ḥ paśáva ā́labhyante /
amúṣmā āraṇyā́ḥ /
yád grāmyā́n paśū́n ālábhate /
imám evá táir lokám ávarundhe /
yád āraṇyā́n /
amúṃ táiḥ /
ubháyān paśū́n ā́labhate /
grāmyā́m̐ś ca_āraṇyā́m̐ś ca /
ubháyor lokáyor ávaruddhyai /
ubháyā́n paśū́n ā́labhate /
3.9.3.2
grāmyā́m̐ś ca_āraṇyā́m̐ś ca /
ubháyasyānnā́dyasyā́varuddhyai /
ubháyān paśū́n ā́labhate /
grāmyā́m̐ś ca_āraṇyā́m̐ś ca /
ubháyeṣāṃ paśūnā́m ávaruddhyai //
tráyas_trayo bhavanti /
tráya imé lokā́ḥ /
eṣā́ṃ lokā́nām ā́ptyai //
brahmavādíno vadanti /
kásmāt satyā́t /
3.9.3.3
asmín_ loké bahávaḥ kā́mā íti /
yát samānī́bhyo devátābhyo 'nyè'_nye paśáva ālabhyánte /
asmínn evá tál loké kā́mān dadhāti /
tásmād asmín_ loké bahávaḥ kā́māḥ //
trayāṇā́ṃ_trayāṇām̐ sahá vapā́ juhoti /
tryā̀vṛto vái devā́ḥ /
tryā̀vṛta imé lokā́ḥ /
eṣā́ṃ lokā́nām ā́ptyai /
eṣā́ṃ lokā́nāṃ kŀ̥ptyai //
páryagnikṛtān āraṇyā́n útsṛjanty áhim̐sāyai //
Commentaries (4)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
Linked texts (2)
- Aśvamedhabhāṣya — Bhaṭṭabhāskara Miśra, Sanskrit
- History of Dharmaśāstra (Ancient and Mediaeval Religious and Civil Law in India) — P. V. Kane, English