Taittiriyabrahmana 3.9.8
Taittirīyabrāhmaṇa 3.9.8
- Language
- Sanskrit
3.9.8.1
prajā́patiḥ prajā́ḥ sṛṣṭvā́ preṇā́_anuprā́viśat /
tā́bhyaḥ púnaḥ sáṃbhavituṃ nā́śaknot /
sò 'bravīt /
ṛdhnávad ít sáḥ /
yó me 'táḥ púnaḥ saṃbhárad íti /
táṃ devā́ aśvamedhéna_evá sámabharan /
táto vái tá ārdhnuvan /
yò 'śvamedhéna yájate /
prajā́patim evá sámbharaty ṛdhnóti //
púruṣam ā́labhate /
3.9.8.2
vairājó vái púruṣaḥ /
virā́jam evá_ālabhate /
átho ánnaṃ vái virā́ṭ /
ánnam evā́varundhe //
áśvam ā́labhate /
prājāpatyó vā́ áśvaḥ /
prajā́patim evá_ālabhate /
átho śrī́r vā́ ékaśapham /
śríyam evā́varundhe //
gā́m ā́labhate /
3.9.8.3
yajñó vái gáuḥ /
yajñám evá_ālabhate /
átho ánnaṃ vái gáuḥ /
ánnam evā́varundhe //
ajāvī́ ā́labhate bhūmné /
átho púṣṭir vái bhūmā́ /
púṣṭim evā́varundhe //
páryagnikṛtaṃ púruṣaṃ ca_āraṇyā́m̐ś ca_útsṛjanty áhim̐sāyai //
ubháu vā́ etáu paśū́ ā́labhyete /
yáś cāvamó yáś ca paramáḥ /
tè 'sya_ubháye yajñé baddhā́ḥ /
abhī́ṣṭā abhíprītāḥ /
abhíjitā abhíhutā bhavanti //
ná_enaṃ daṃkṣṇávaḥ paśávo yajñé baddhā́ḥ /
abhī́ṣṭā abhíprītāḥ /
abhíjitā abhíhutā him̐santi /
yò 'śvamedhéna yájate /
yá u ca_enam eváṃ véda //
Commentaries (5)
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Yajurbrahmaṇabhāṣya — Sāyaṇācārya, Sanskrit
Discussed in (1)
- History of Dharmaśāstra (Ancient and Mediaeval Religious and Civil Law in India) — Kane 1930, English