Vimshabrahmana 106
Viṃśabrāhmaṇa 106
- Language
- Sanskrit
106.1
stomo yujyate satriyebhyo'harvyaḥ pratnavatībhiścopavatībhiśca
106.2
yatpratnavatya upavatībhyaḥ pūrvā yujyante brahma tatpūrvaṃ
kṣatrādyujyate brahma hi pūrvaṃ kṣatrāt
106.3
manastatpūrvaṃ vāco yujyate mano hi yaddhi manasā'bhigacchati tadvācā vadati
106.4
bṛhattatpūrvaṃ rathantarādyujyate bṛhaddhi pūrvam̐ rathantarādvijityā tu vai rathantaraṃ pūrvaṃ yogamānaśe
106.5
sambhāryāstṛcā bhavanti yathā''śiṣṭhānvahiṣṭhān
sambharedevamevaitān sambharanti gatyai
106.6
nava bhavanti navāhasya yuktyā ṛcarcaivā'haryunakti
yathā prārtthasya śamyā avadadhyādevamevaitannavāhasya śamyā
avadadhāti gatyai
106.7
trivṛdeva stomo bhavati tejase brahmavarcasāya
Linked texts (4)
- Pañcaviṃśabrāhmaṇa — Sanskrit
- Sāmavedabrāhmaṇānyaṣṭau — Sanskrit
- Pañcaviṃśa — Sanskrit
- Tāṇḍya or Pañcaviṃśa-brāhmaṇa — Sanskrit