Vimshabrahmana 109: atha caturthaḥ khaṇḍaḥ
Viṃśabrāhmaṇa 109
- Language
- Sanskrit
atha caturthaḥ khaṇḍaḥ
109.1
hotumaitrāvaruṇabrāhmaṇācchaṃsyacchāvākānāṃ krameṇa catvāri pṛṣṭhastotrāṇi | teṣāṃ stotrīyāḥ sāmāni ca prākṛtānyeva | tatra hotuḥ pṛṣṭhasya stotrīyaṃ pragāthavidhādyamanūdya stauti—
“abhi tvā śūra nonuma” ityabhīti rathantarasya rūpam̐ rāthantaram̐ hyetadahaḥ
109.2
atha dvitīyasya pṛṣṭhasya stotrīyaṃ tṛcamupādāya stauti—
“kayā naścitra ābhuva”diti kakatyastena prājāpatyāḥ ko hi prajāpatiḥ prajāpaterā̍ptyai
109.3
atha tṛtīyasya pṛṣṭhasya stotrīyaṃ tṛcamanūdya stauti-(3)“taṃ vo dasmamṛtīṣahaṃ varsormandānamandhaso'bhivatsaṃ na
svasareṣu dhenava” ityabhīti rathantarasya rūpam̐ rāthantaram̐
hyetadahaḥ
109.4
asminneva tṛce kañcitpādamādāya tadabhiprāyamāha—
‘indraṃ gīrbhirhavāmaha’ iti havanta evainam
109.5
atha caturthasya pṛṣṭhasya stotrīyaṃ pragāthamanūdya stauti—
(1)“tarobhirvo vidadvasu”miti stomo vai taro yajño
vidadvasuḥ stomena vai yajño yujyate yattarobhirvo vidadvasumityāha yajñameva tadyunakti
109.6
atha prathame stotrīye prakṛtameva sāmavidhimanūdya stauti—
rathantaraṃ bhavati brahma vai rathantaraṃ brahma prāyaṇīyamaharbrahmaṇa eva tadbrahmā''kramya prayanti
109.7
iyaṃ vai rathantaramasyāmeva pratiṣṭhāya satramāsate
109.8
vāmadevyaṃ bhavati paśavo vai vāmadevyaṃ paśūnāmavaruddhyai prājāpatyaṃ vai vāmadevyaṃ prajāpatāveva pratiṣṭhāya satramāsate
109.9
naudhasaṃ bhavati brahma vai naudhasaṃ brahma prāyaṇīyamarhrahmaṇa eva tadbrahmā''kramante
109.10
kāleyaṃ bhavati samānaloke vai kāleyañca rathantarañceyaṃ
vai rathantaraṃ paśavaḥ kāleyamasyāñcaiva paśuṣu ca pratiṣṭhāya
satramāsate
109.11
dravādiḍaṃ tathā hyetasyā'hno rūpaᳵ stomaḥ
Linked texts (4)
- Pañcaviṃśabrāhmaṇa — Sanskrit
- Pañcaviṃśa — Sanskrit
- Tāṇḍya or Pañcaviṃśa-brāhmaṇa — Sanskrit
- Sāmavedabrāhmaṇānyaṣṭau — Sanskrit