Pramāṇa · Search · About · API

Vimshabrahmana 112: atha saptamaḥ khaṇḍaḥ

Viṃśabrāhmaṇa 112

Language
Sanskrit

atha saptamaḥ khaṇḍaḥ

112.1

ubhābhyāṃ vai rūpābhyāṃ bahiṣpavamānyo yujyante
yatsāmā stomo bhavati tadājyeṣu

112.2

nirāhopasthitānyājyāni bhavanti

112.3

agniṃdūtaṃ vṛṇīmahe mitraṃ vayaṃ havāmaha indramiddhāthino bṛhadindro agnā namo bṛhaditi bārhatameva tadrūpaṃ nirdyotayati stomaḥ

112.1-2

vṛṣā pavasva dhārayeti gāyatrī bhavatyaho dhṛtyai

112.2-2

vṛṣaṇavatyastriṣṭubho rūpeṇa traiṣṭubha1 hyetadahaḥ

112.3-2

punānassomadhārayeti dhṛtyai

112.4

vṛṣāśoṇo abhikanikradadgā iti

112.5

vṛṣaṇavatyastriṣṭubho rūpeṇa samṛddhā vṛṣaṇvadvā etadaindraṃ traiṣṭubhamaharyat dvitīyaṃ tadeva tadabhivadati

112.6

gāyatraṃ bhavati yadeva gāyatrasya brāhmaṇam

112.7

yauktāśvaṃ bhavati

112.8

yuktāśvo vā āṅgirasaḥ śiśū jātau viparyaharattasmānmantro'pākrāmatsa tapo'tapyata sa etadyauktāśvamapaśyattaṃ mantra upāvarttata tadbhāva sa tarhyakāmayata kāmasani sāma yauktāśvaṃ kāmamevaitenā'varundhe

112.9

āyāsye bhavataḥ

112.10

ayāsyo vā āṅgirasa ādityānāṃ dīkṣitānāmannamāśrāttaṃ śugārcchat sa tapo'tapyata sa ete āyāsye apaśyattābhyāṃ śucamapāhatā'pa śucaṃ hata
āyāsyābhyāṃ tuṣṭuvānaḥ

112.11

ebhyo vai lokebhyo vṛṣṭirapākrāmattāmayāsya āyāsyābhyāmacyāvayat cyāvayati vṛṣṭimāyāsyābhyāṃ tuṣṭuvānaḥ

112.12

annādyaṃ vāva tadebhyo lokebhyo'pākrāmattadayāsya
āyāsyābhyāmacyāvayat cyāvayatyannādyamāyāsyābhyāṃ
tuṣṭuvānaḥ

112.13

vāsiṣṭhaṃ bhavati

112.14

vasiṣṭho vā etena vaiḍavaḥ stutvā'ñjasā svargaṃ lokamapaśyat svargasya lokasyā'nukhyātyai svargāllokānna cyavate tuṣṭuvānaḥ stomaḥ

Linked texts (4)