Vimshabrahmana 115: athaikādaśaḥ khaṇḍaḥ
Viṃśabrāhmaṇa 115
- Language
- Sanskrit
athaikādaśaḥ khaṇḍaḥ
115.1
etyūṣu bravāṇi ta ityehivatyo bhavanti tṛtīyasyā'hna upahvāya santatyai
115.2
apacchidviva vā etadyajñakāṇḍaṃ yadukthāni
yadeti salomatvāya
115.3
evāhyasi vīrayuriti samānaṃ vadantīdamitthamasaditi
115.4
indraṃ viśvā avīvṛdhannityavarddhanta hyetāhiṃ yajamānamevaitayā varddhayanti
115.5
atha prathame maitrāvaruṇokthe sāma vidadhāti—
sākamaśvaṃ bhavatyukthānāmabhijityā abhikrāntyai
115.6
kuto'sya sāmnastadubhayahetutetyata āha—
etena hyagra ukthānyabhyajayannetenābhyakrāman
115.7
atha brahmaṇa ukthastotre sāma vidadhāti—
ā mahīyavaṃ bhavati kḷptiścā'nnādyañca samānaṃ vadantīṣu
kriyata idamitthamasāditi
115.8
atha stomachandobhyāṃ saṃhatābhyāṃ brahmakṣatrayoḥ saṅgatirbhavatītyāha—
kṣatraṃ vā etadaharabhinirvadati yatpañcadaśaṃ yadgāyatrīṣu brahmasāma bhavati brahma caiva tatkṣatrañca sayujī karoti brahmaiva kṣatrasya purastānnidadhāti brahmaṇe kṣatrañca
viśañcā'nuge karoti
115.9
brahma vai pūrvamahaḥ kṣatraṃ dvitīyaṃ yaddgāyatrīṣu brahmasāma
bhavati brahma tadyaśasārddhayati brahma hi gāyatrī
115.10
tadu samānaṃ vadantīṣu kriyate samṛddhayai
115.11
āṣṭādaṃṣṭre bhavataḥ
115.12
aiyāhā iti vā indro vṛtramahannaiṣādohoveti nyagṛhṇādvārtraghne sāmanī vīryavatī
115.13
oja evaitābhyāṃ vīryamavarundhe
115.14
pañcadaśa eva stomo bhavatyojasyeva tadvīrye pratitiṣṭhatyojo vīryaṃ pañcadaśaḥ
Linked texts (4)
- Pañcaviṃśabrāhmaṇa — Sanskrit
- Pañcaviṃśa — Sanskrit
- Tāṇḍya or Pañcaviṃśa-brāhmaṇa — Sanskrit
- Sāmavedabrāhmaṇānyaṣṭau — Sanskrit