Pramāṇa · Search · About · API

Vimshabrahmana 119

Viṃśabrāhmaṇa 119

Language
Sanskrit

119.1

yadyāva indra te śatamiti śatavatyo bhavanti

119.2

śatavadvai paśūnāṃrūpaṃ sahasravatpaśūnāmevaitābhī rūpamavarundhe

119.3

vayaṅghattvā sutāvanta iti satobṛhatyo varṣīyaścha
nda ākramate'napabhraṃśāya

119.4

taraṇiborderritsiṣāsati vājaṃ purandhyā yujā| āva indraṃ
puruhūtaṃ na me giretyāvadakṣaramuddhatamiva vai tṛtīyamaharyaddaivaṃ tāvadakṣaraṃ bhavatyaharevaitena pratiṣṭhāpayati

119.5

pañcanidhanaṃ vairūpaṃ pṛṣṭhaṃ bhavati diśāṃ dhṛtyai

119.6

pañcapadā paṅktiḥ pāṅkramannamannādyasyā'varuddhyai

119.7

diśāṃ vā etatsāma yadvairūpaṃ diśo hyevaitenā'bhivadati

119.8

atha yatpañcanidhanaṃ tenartūnāṃ pañca hyṛtavaḥ

119.9

ṛtubhiśca vā ime lokā digbhiścā''vṛtāstṝṣvevobhayeṣu yajamānaṃ pratiṣṭhāpayati yajamānaṃ vā anupratitiṣṭhantamudgātā pratitiṣṭhati ya evaṃ vidvān vairūpeṇodgāyati

119.10

digvadbhavati bhrātṛvyasyā'panuttyai

119.11

diśaṃ viśāmiti nidhanamupayanti diśāṃ dhṛtyai

119.12

hasityupariṣṭāddiśāṃ nidhanamupayanti tena bārhatam

119.13

rāthantaro vā ayaṃ loko bārhato'sāvubhe eva tadvṛhadrathantarayo rūpeṇā'parādhnoti

119.14

anaḍvāhau vā etau devayānau yajamānasya yadbṛhadrathantare tāveva tadyunakti svargasya lokasya samaṣṭyai

119.15

aśvavadbhavati prajātyai

119.16

yathā maṇḍūka āṭ karotyevaṃ nidhanamupayantyayātayāmatāyai

119.17

dvādaśa vairūpāṇi bhavanti dvādaśamāsāḥ saṃvatsaraḥ
saṃvatsara eva pratitiṣṭhati

119.18

virūpaḥ saṃvatsaro virūpamannamannādyasyā'varuddhyai

119.19

mahāvaiṣṭambhaṃ brahmasāma bhavatyannādyasyā'varuddhyai

119.20

yadā vai puruṣo'nnamattyathā'ntarato viṣṭabdhaḥ

119.21

diśa iti nidhanamupayanti diśāṃ dhṛtyai

119.22

sato bṛhatīṣu stuvanti pūrvayorahloḥ pratyudyamāya

119.23

rauravamacchāvākasāma bhavati

119.24

agnirve ruro rudro'gniḥ

119.25

agnirvā etasya paśūnapakramayati yasya paśavo'pakrāmantyagnireva tasya paśūnābhikramayati yasya paśavo'bhikrāmanti

119.26

abhyabhyevā'sya paśavaḥ krāmanti ya evaṃ vidvān
rauraveṇa stuvate

119.27

pariṣṭubdheḍaṃ tathā hyetasyā'hno rūpa 9 stomaḥ

Linked texts (4)