Pramāṇa · Search · About · API

Vimshabrahmana 12

Viṃśabrāhmaṇa 12

Language
Sanskrit

12.1

atra viniyogasaṅgrahaḥ-brāhmaṇaprathamādhyāya mantrāṇāṃ viniyojanam
atrādau vṛta udgātā mahadityādikaṃ japet

12.2

devo gṛhādvinirgatya dūraṅgatvā vihāya japet
yāgabhūmyantike baddhā pitaraḥ piturupasthitim

12.3

nṛmayūṣocchrito mantro mṛdā vedyākramaṃ japet
rarāṭīsparśanaṃ viṣṇorhavirdhānamiṣe viśet

12.4

navātra mantrāḥ prathame khaṇḍe samyagudīritāḥ
yunajyāhūnnayetsome ṛtasyetyupaveśanam

12.5

ṛtaspṛśedroṇakumbhaṃ vānaprothedamuṃ puraḥ
marugrāvaḥ spṛśedeṣu droṇasya dhyahvanaṃ tvidam

12.6

mṛjyādvastrādvasa droṇaṃ pavitroṇe paṭaṃ kṣipet
prāṃśudhārāṃ japedatra nava mantrā udīritāḥ

12.7

kuryuḥ pravṛttaṃ homau dvau vekusūryaṃ iti dvayāt
tṛṇāpasaraṇaṃ yodya yobha syādupaveśanam

12.8

agneriti stomayogo hyannamannaṃ japeddvayam
svāminaṃ vācayecchyenaḥ sambarcasā prekṣya japet

12.9

upasthānaṃ namaḥ sūryyai daśa mantrā iheritāḥ
adhvāditye lupasthānaṃ samrāḍāhavanīyake

12.10

tuthosyāstābadeśe syāccātvāle tu nabhosi hi
asammṛṣṭosi śāmitra āgnīdhrīye vibhūrasi

12.11

hoturddhiṣṇye vahirasi śvā maitrāvaruṇīyake
tu brāhmaṇācchaṃsike syādūśik syāt potṛdhiṣṇyake

12.12

neṣṭrakeṅgāriracchāvākake vasryurasītyatha
śundhyunmārjjalīya audumbaryyāṃ syāhatadheti hi

12.13

sasudro brahmaṇaḥ sthāne ahiḥ prajahite bhavet
syādgārhapatyo josīti sagarā dakṣiṇāgnike

12.14

kavyo dakṣiṇavedyante pātamā sarvvasaṃhatau
caturthakhaṇḍe mantrāṇāṃ viṃśatiḥ samudīritāḥ

12.15

ṛtamṛjyādvārabāhū māmetyantaḥ praveśamam
nama ityupaviśyātha śyenaścamamavīkṣaṇam

12.16

indodvirbhakṣayedūrdhvo mukhacchidrāṇi saṃspṛśet
somarā hṛdayasparśaḥ somagīrnābhimāmṛśet

12.17

camasaṃ pūrayedāpyā''vamairadyāstrimantrataḥ
dīkṣāyai stomabhāgoyaṃ bhavenmantracatuṣṭayāt

12.18

vāyurmādhyandine yogo vṛṣakaḥ svāmivācanam
indo bhakṣastomayogaḥ sūryyoyu savane bhavet

12.19

svarosi vācayedindo kuryyāccamasabhakṣaṇam
āyuḥ saumyaṃ caruṃ paśyedyanme tatra vikalpyate

12.20

yena saumyaṃ ca saṃspṛṣṭāṅgulibhyāmakṣimārjanam
pañca viṃśatimantrā syuḥ pañcame khaṇḍa iritāḥ

12.21

aindramantre somabhakṣa stutasya svāmivācanam
dṛṣṭrasandhau somabhakṣaṃ ṛtasya stomamocanam

12.22

some hi nirgamaḥ sūryyasyopasthānaṃ subhūriti
apāṃ dvābhyāmāhutī dve dhānābhakṣo hārayojane

12.23

devāṣṭau śakale homā apsudhau camasaṃ spṛśet
madhu pāṇimupaghrāya camasotsecanaṃ śamat

12.24

kāmābhyāvarttavedetat ūrgstadurasi kṣipet
prāṇetimukhasaṃsparśo dadhīti dadhi bhakṣayet

12.25

caturviṃśatimantrāstu ṣaṣṭhe khaṇḍe prakīrtitāḥ
sāśvaṃ rathaṃ dakṣiṇārthe pratigṛhṇāti cettadā

12.26

mṛjyādaśvamukhābhyaśvanāmayugmacatuṣṭayam
rathordhvasparśa ādityā vāyoścarmmapratigrahe

12.27

astrapratigrahe nakṣa sūryya lohapratigrahe
ratheti dakṣiṇe cakre sparśo vāmetyādhiṣṭhitau

12.28

bṛhadityṛttare cakre cakrāvaṃketi saṃspṛśet
vaiśvā rathaṃ samāroheddvidetyatra sthito japet

Linked texts (2)