Pramāṇa · Search · About · API

Vimshabrahmana 120

Viṃśabrāhmaṇa 120

Language
Sanskrit

120.1

"tisro vāca udīrate" iti tṛtīyasyā'hno rūpaṃ tena
tṛtīyamaharārabhante

120.2

udvadvā etat trivadaharyat tṛtīyaṃ tadeva
tadabhivadati

120.3

"ā sotā pariṣiścate"ti parivatyo bhavanti

120.4

anto vai tṛtīyamahastasyaitāḥ paryāptyai

120.5

'sakhāya āniṣīdate'tyuddhatamiva vai tṛtīyamaharyadāha
niṣīdatetyaharevaitena pratiṣṭhāpayati

120.6

'sutāso madhumattamā' ityanuṣṭubhaḥ satyo jagatyo
rūpeṇa jāgatam̐ hyetadahaḥ

120.7

"pavitraṃ te vitataṃ brahmaṇaspata" iti

120.8

vitatamiva vā idamantarikṣamantareme antarikṣadevatatyametadaharyattṛtīyaṃ tadeva tadabhivadati

120.9

gāyatraṃ bhavati yadeva gāyatrasya brāhmaṇam

120.10

pāṣṭhauhaṃ bhavati

120.19

indraṃ vā akṣyāmayiṇaṃ bhūtāni nā'svāpayam̐stametena
tvāṣṭryo'svāpayam̐stadvāva tāstahryakāmayanta

120.20

kāmasani sāma tvāṣṭrīsāma kāmamevaitenā'varundhe

120.21

indro vṛtrādvibhyadgāṃ prāviśattaṃ tvāṣṭryo'bruvañjanayāmeti tametaiḥ sāmabhirajanayañjāyamahe iti vai satramāsate jāyanta eva

120.22

ariṣṭaṃ bhavati

120.23

de̱vāśca̱ vā a̍su̱rāścā'spa̍rddhanta̱ yaṃ de̱vānā̍ma̱ghnan sa
sama̍bhavadyamasu̍rāṇāṃm̐sam̐so'bha̍vatte de̱vāstapo'ta̍pyanta
ta e̱tada̍riṣṭamapaśyam̐stato̱yaṃ de̱vānā̍ma̱ghnan sam̐so'bha̍vadyamasu̍rāṇā̱ṃ na sa sama̍bhavada̱nenā'ri̍ṣāmeti̱ tada̍riṣṭa̱syāri̍ṣṭatvama̱riṣṭyā e̱vā'ri̍ṣṭamanta̱taḥ kri̍yate

120.24

trīḍaṃ bha̍vati trirā̱trasya̱ dhṛtyai̍

120.25

drava̍ntīmi̱ḍāmu̍tta̱māmupa̍yanti catu̱rthasyā'hna̱ḥ
santa̍tyai stoma̍ḥ

120.11

ṣaṣṭhavāḍvā etenā'ṅgirasaścaturthasyā'ho vācaṃ vadantīmupāśṛṇotsa hovāgiti nidhanamupaittadasyā'bhyuditaṃ
tadaharavasat

120.12

vācaḥ sāma bhavati

120.13

vāgvai dvādaśāho vāgyeva tadvācā stuvate yajñasya
prabhūtyai

120.14

niṣkirīśāḥ satramāsata te tṛtīyamaharna prājānaṃstānetatsāma gāyamānān vāgupāplavata tena tṛtīyamahaḥ
prājānam̐ ste'bruvannidyaṃ vāva nastṛtīyamaharadīdṛśāditi
tṛtīyasyaivaiṣā'hno dṛṣṭiḥ

120.15

śauktaṃ bhavati

120.16

śuktirvā etenā''ṅgiraso'ñjasā svargaṃ lokamapaśyat svargasya lokasyānukhyātyai svargāllokānna cyavate
tuṣṭuvānaḥ

120.17

gaurīvitaṃ bhavati yadeva gaurīvitasya brāhmaṇam

120.18

tvāṣṭrīsāma bhavati

Linked texts (3)