Vimshabrahmana 121: atha ṣaṣṭhaḥ khaṇḍaḥ
Viṃśabrāhmaṇa 121
- Language
- Sanskrit
atha ṣaṣṭhaḥ khaṇḍaḥ
121.1
prama̍ha̍ṃhiṣṭhāya gāyateti
121.2
yadgāyateti mahasa eva tadrūpaṃ kriyate
121.3
'taṃ te madaṅgaṇīmasī'ti madvadvai rasavattṛtīyasavanaṃ
madameva tadrasaṃ dadhāti
121.4
'śrudhīhavaṃ tiraścyā' iti śrutyā eva
121.5
pramaṃhiṣṭhīyaṃ bhavati
121.6
pramaṃhiṣṭhīyena vā indro vṛtrāya vajraṃ prāvarttayattamastṛṇuta bhrātṛvyavān pramaṃhiṣṭhīyenokthāni praṇayeta stṛṇute bhrātṛvyaṃ vasīyāᳪ ātmanā bhavati
121.7
hārivarṇaṃ bhavati
121.8
indraśca vai namuciścā'suraḥ samadadhātāṃ na no naktanna
divā'hanannā''rdreṇa na śuṣkeṇeti tasya vyuṣṭāyāmanudita
āditye'pāṃ phenena śiro'chinadetadvai na naktaṃ na divā
yat vyuṣṭāyāmanudita āditya etannā''rdranna śuṣkaṃ yadapāṃ
phenastadenaṃ pāpīyāṃ bācaṃ vadadanvavarttata vīrahan druho
druha iti tannarcā na sāmnā'pahantumaśaknot
121.9
hārivarṇasyaiva nidhanenā'pāhata
121.10
apaśucam̐hate hārivarṇasya nidhanena śriyañca
haraścopaiti tuṣṭuvānaḥ
121.11
tairaścayaṃ bhavati
121.12
āṅgirasaḥ svargaṃ lokaṃ yanto rakṣāṃsyanvasacanta
tānyetena tiraścā'ṅgirasastiryaṅ paryyavaidyattiryaṅparyyavaittasmāttairaścayaṃ pāpmā vāva sa tānasacata taṃ tairaścyenā'pāghnatā'papāpmānaṃ hate tairaścyena tuṣṭuvānaḥ
121.13
saptadaśa eva stomo bhavati pratiṣṭhāyai prajātyai
Linked texts (4)
- Pañcaviṃśabrāhmaṇa — Sanskrit
- Sāmavedabrāhmaṇānyaṣṭau — Sanskrit
- Pañcaviṃśa — Sanskrit
- Tāṇḍya or Pañcaviṃśa-brāhmaṇa — Sanskrit