Vimshabrahmana 122: atha saptamaḥ khaṇḍaḥ
Viṃśabrāhmaṇa 122
- Language
- Sanskrit
atha saptamaḥ khaṇḍaḥ
122.1
‘pra ta āśvinīḥ pavamānadhenava’ iti caturthasyā'hnaḥ
pratipadbhavati
122.2
asmin caturthe'hani tasya tṛcasya saṅgatimāha—
āpte trirātre rūpeṇa gāyatryo dvitīyaṃ prayanti preti
vai gāyatryā rūpam
122.3
nanvevaṃ mukhyo gāyatra eva tṛcaḥ prathamaṃ vidheyaḥ | kimanayā bakabandhaprayāsakalpanayetyata āha—
jagatī pratipadbhavati jāgatametadaharyattṛtīyañjagatyā
eva tajjagatīmabhisaṃkrāmanti
122.4
etadeva vyatirekamukhena draḍhayati—
yadato'nyā pratipatsyāt pratikūlaṃ vā'nukūlaṃ vā syāt
122.5
pavamāno ajījanadityanurūpo bhavati
122.6
janadvadvā etadaharyaccaturthamannādyañjanayati virājañjanayatyekaviṃśaᳵ stomañjanayati
122.7
pūrvvamu caiva tadrūpamapareṇa rūpeṇā'nuvadati tadanurūpasyā'nurūpatvam
122.8
anurūpa enaṃ putro jāyate ya evaṃ veda
122.9
stotrīyānurūpau tṛcau bhavataḥ prāṇāpānānāmavaruddhyai
122.10
ṣaḍṛcau bhavata ṛtūnāṃ dhṛtyai
122.11
tṛca uttamo bhavati yenaiva prāṇena prayanti tamabhyudyanti
122.12
ekaviṃśa eṣa stomo bhavati pratiṣṭhāyai pratitiṣṭhati
Linked texts (4)
- Pañcaviṃśabrāhmaṇa — Sanskrit
- Pañcaviṃśa — Sanskrit
- Tāṇḍya or Pañcaviṃśa-brāhmaṇa — Sanskrit
- Sāmavedabrāhmaṇānyaṣṭau — Sanskrit