Pramāṇa · Search · About · API

Vimshabrahmana 125: atha daśamaḥ khaṇḍaḥ

Viṃśabrāhmaṇa 125

Language
Sanskrit

atha daśamaḥ khaṇḍaḥ

125.1

‘pibā somamindra mandatu tvā yante suṣāva haryyaśvādriḥ
soturbāhubhyāṃ suyato nārve’tyayatamiva vai caturthamahastasyaiva yatyai

125.2

viśvāḥ pṛtanā abhibhūtarannara ityatijagatī varṣīyayaśchanda ākramate'napabhraṃśāya

125.3

apabhraṃśa iva vā eṣa yajjyāyasaśchandasaḥ kanīyaśchanda upaiti yadeṣā caturthe'hanyatijagatī kriyate 'napabhraṃśāya

125.4

yo rājā carṣaṇīnāmiti

125.5

rājye hyetāha vādyo'gacchan rājyamevaitayā yajamānaṃ gamayanti

125.6

chandobhirvai devā ādityam̐ svargaṃ lokamaharan
sa nā''dhriyata taṃ vairājasya nidhanenādṛm̐ham̐stasmāt
parāṅ cā'rvāṅ cādityastapati parāṅ cāvārṅkacekāraḥ

125.7

prastāvaṃ prastutya viṣṭambhānviṣṭabhnoti mukhata eva
tadannādyaṃ dhatte mukha hi sāmnaḥ prastāvaḥ

125.8

daśakṛtvo viṣṭabhnoti daśākṣarā virāḍ vairājamannamannādyasyā'varuddhyai

125.9

triṃśatkṛtvo viṣṭabhnoti bhūyaso'nnādyasyā'varuddhyai

125.10

vairāja sāma bhavati virāṭsu stuvanti vairājā
viṣṭambhāḥ samīcīrvirājo dadhātyannādyāya

125.11

anutunnaṃ gāyati retodheyāyā'nutunnāddhi reto dhīyate

125.12

dakṣiṇa ūrāvudgātāramagniṃ manthanti dakṣiṇato hi retaḥ
sicyate

125.13

upākṛte'hiṅkṛte manthanti jātamabhihiṅkaroti

125.14

tasmājjātaṃ putraṃ paśavo'bhihiṅkurvanti

125.15

tasmai jātāyā'mīmāṃsanta gārhapatye praharāmā3
āgnīdhrā 3 āhavanīyā 3 iti

125.16

āhavanīye praharantyetadāyatano vai yajamāno yadāhavanīye svameva tadāyatanaṃ jyotiṣmatkaroti

125.17

jyotiṣmān brahmavarcasī bhavati ya evaṃ veda

125.18

abhijuhoti śāntyai

125.19

ājyenā'bhijuhoti tejo vā ājyaṃ teja eva
tadātmandhatte

125.20

“preddho agne dīdihi puro na” iti virājā'bhijuhotyannaṃ virāḍannādyasyā'varuddhyai

125.21

traiśokaṃ brahmasāma bhavati

125.22

atijagatīṣu stuvantyaha utkṛṣṭyā udvā etenā'hnā
krāmanti

125.23

diveti nidhanamupayanti pāpmano'pahatyā apa
pāpmānaṃ hate traiśokena tuṣṭuvānaḥ

125.24

bhāradvājasya pṛṣṭhanyacchāvākasāma bhavati

125.25

annaṃ vai devāḥ pṛśnīti vadantyannādyasyā'varuddhyai

125.26

iḍābhiraiḍaṃ tathā hyetasyā'hno rūpa 17 stomaḥ

Linked texts (4)