Pramāṇa · Search · About · API

Vimshabrahmana 128: atha trayodaśaḥ khaṇḍaḥ

Viṃśabrāhmaṇa 128

Language
Sanskrit

atha trayodaśaḥ khaṇḍaḥ

128.1

indraśca bṛhacca samabhavatāṃ tamindraṃ bṛhadekayā tanvātyaricyata tasyā abibheda nayā mā'bhibhaviṣyatīti so'bravīt ṣoḍaśī te'yaṃ yajñakraturāstviti sa ṣoḍaśyabhavattadasya janma

128.2

ātiśriyā bhrātṛvyamatiricyate yo gāyatrīṣu dvipadāsu bṛhatā ṣoḍaśinā stute

128.3

"upa nau haribhiḥ stuta" mityetā vai gāyatryo dvipadā etāsu stotavyam

128.4

indraḥ prajāpatimupādhāvadvṛtraṃ hanānīti tasmā
etāmanuṣṭubhamapaharasaṃ prāyacchattayā nā'stṛṇuta yadastṛtā vyanadattannānadasya nānadatvam

128.5

taṃ punarupādhāvattasmai saptānāṃ hotrāṇāṃ haro
nirmāya prāyacchat tamastṛṇuta

128.6

stṛṇute taṃ yaṃ tustūrṣate ya evaṃ veda

128.7

tasmāddharivatīṣu stuvanti harivatīḥ śam̐santi harivatīṣu graho gṛhyate haro hyasmai nimmāya prāyacchat

128.8

ekaviṃśāyatano vā eṣa yat ṣoḍaśī sapta hi prātassavane hotrā vaṣaṭkurvvanti sapta mādhyandine savane
sapta tṛtīyasavane

128.9

gaurīvitaṃ bhavati

128.10

gaurīvittirvā etacchāktyo brahmaṇo'tirikta mapaśyattadgaurīvitamabhavadatiriktaṃ vā etadatiriktena stuvanti yadgaurīvitena ṣoḍaśinaṃ ꣪śvastanavān bhavatyapi prajāyā upaklṛptaḥ

128.11

viśālaṃ libjayā bhūtyā'bhyadhāditi hovācopoditirgopāleyo'nuṣṭubhi nānadamakadgaurīvitena ṣoḍaśinamastoṣṭā'ñjasā śriyamupāgānna śriyā avapadyata
iti

128.12

eṣa vai viśālaṃ libjayā bhūtyā'bhidadhāti yo'nuṣṭubhi nānadaṃ kṛtvā gaurīvitena ṣoḍaśinā stute'ñjasā
śriyamupaiti na śriyā avapadyate

128.13

śakvarīṣu ṣoḍaśinā stuvīta yaḥ kāmayeta vajrī
syāmiti

128.14

vajro vai ṣoḍaśī vajraḥ śakvardho vajreṇaivā'smai vajra̍
spṛṇoti vajrī bhavati

128.15

anuṣṭupsu ṣoḍaśinā stuvīta yaḥ kāmayeta na mā
vāgātivadet

128.16

vajro vai ṣoḍaśī vāganuṣṭubbajreṇaivā'smai vāca̍
spṛṇoti nainaṃ vāgativadati

128.17

"asāvi soma indra ta" ityetāsu stotavyam

128.18

virāṭsuvannādyakāmaḥ ṣoḍaśinā stuvīta vajro vai
ṣoḍaśī vairājamannaṃ vajreṇaivā'smā annaṃᳵspṛṇotyannādo
bhavati

128.19

"pra vo mahe vṛdhe bharadhvami"tyetāsu stotavyam

128.20

trayastriṃśadakṣarā vā etā virājo yadekaviṃśatiḥ
pratiṣṭhā sā yaddvādaśa prajātiḥ sā

128.21

pratiṣṭhāya prajāyate no vā'ntasthāyāñjīryate ya evaṃ veda

128.22

atha vā etā ekapadāstryakṣarā viṣṇośchando bhurijaḥ śakvaryaḥ

128.23

etābhirvā indro vṛtramahan kṣipraṃ vā etābhiḥ
pāpmānaṃ hanti kṣipraṃ vasīyāna bhavati

128.24

catustrim̐śadakṣarāḥ sam̐stuto bhavati trayastrim̐śaddevatāḥ prajāpatiścatustrim̐śo devatānāṃ prajāpatimevopayantyariṣṭyai

128.25

hiraṇyam̐ sampradāyam̐ ṣoḍaśinā stuvate jyotiṣmānasya ṣoḍaśī bhavati

128.26

aśvaḥ kṛṣṇa upatiṣṭhati sāmyekṣyāya bhrātṛvyalokameva sa vidhamam̐stiṣṭhati

128.27

ekākṣaraṃ vai devānāmavamaṃ chanda āsītsaptākṣaraṃ paramaṃ navākṣaramasurāṇāmavamaṃ chanda āsīt pañcadaśākṣaraṃ paramaṃ devāśca vā asurāścā'spardūnta tān prajāpatirānuṣṭubho bhūtvā'ntarā'tiṣṭhattaṃ devāsurā vyahvayanta sa devānupāvarttata tato devā abhavan parā'surāḥ

128.28

bhavatyātmanā parā'sya bhrātṛvyo bhavati ya evaṃ veda

128.29

te devā asurāṇāmekākṣareṇaiva pañcadaśākṣaramavṛñjata
dvyakṣareṇa caturdaśākṣaraṃ tryakṣareṇa trayodaśākṣarañcaturakṣareṇa
dvādaśākṣaraṃ pañcākṣareṇaikādaśākṣara ṣaḍakṣareṇa daśākṣara ṣaptākṣareṇa navākṣaramaṣṭābhirevāṣṭāvavṛñjata

128.30

evameva bhrātṛvyādbhūtiṃ vṛṅkte ya evaṃ veda

128.31

aparuddhayajña iva vā eṣa yat ṣoḍaśī kanīyasvinaiva vai tarhi devā āsan bhūyasvino'surāḥ kanīyasvī
bhūyasvinaṃ bhrātṛvyaṃ vṛṅkte ya evaṃ veda

128.32

"yasmādanyo na paro 'sti jāto ya ābabhūva bhuvanāni viśvā | prajāpatiḥ prajayā sambidānastrīṇi jyotīṃṣi sacate sa ṣoḍaśī"tyudgātā grahamavekṣate

128.33

jyotiṣmānasya ṣoḍaśī bhavati ya evaṃ veda

128.34

ekaviṃśa eva stomo bhavati pratiṣṭhāyai pratitiṣṭhati

Linked texts (5)