Pramāṇa · Search · About · API

Vimshabrahmana 25: atha saptadaśaḥ khaṇḍaḥ

Viṃśabrāhmaṇa 25

Language
Sanskrit

atha saptadaśaḥ khaṇḍaḥ

25.1

navabhyo hiṅkaroti sa tisṛbhiḥ sa tisṛbhiḥ sa
tisṛbhistisṛbhyo hiṅkaroti sa parācībhirnavabhyo hiṅkaroti sa tisṛbhiḥ sa tisṛbhiḥ sa tisṛbhiḥ sūrmyubhayata
ādīptā

25.2

brahmavarcasakāmaḥ stuvīta tejo vai trivṛt tryakṣaraḥ
puruṣo yat trivṛtāvabhito bhavatastisro madhye yathā hihiraṇyaṃ niṣṭapedevamenaṃ trivṛtau niṣṭapatastejase brahmavarcasāya

25.3

apaśavyeva tu vā īśvarā paśūnnirdehaḥ kilāsattvānnūbhayamati hi niṣṭapataḥ

25.4

etāmevābhiśasyamānāya kuryācchamalaṃ vā etamṛcchati yamaślīlā vāgṛcchati yaivainamasāvaślīlaṃ vāgvadati tāmasya trivṛtau niṣṭapatastejasvī bhavati ya etayā
stute

25.1-2

tṛtīyo'dhyāyaḥ
navabhyo hiṅkaroti sa tisṛbhiḥ sa pañcabhiḥ sa ekayā, navabhyo hiṅkaroti sa ekayā sa tisṛbhiḥ sa pañcabhirnavabhyo hiṅkaroti sa pañcabhiḥ sa ekayā sa
tisṛbhiḥ

25.2-2

vajro vai triṇavo vajrameva tadvyūhati śāntyai

25.3-2

pañcabhirvihitaikā paricarā pāṅktāḥ paśavo yajamānaḥ paricarā yatpañcabhirvidadhātyekā paricarā bhavati
yajamānameva tatpaśuṣu pratiṣṭhāpayatyeṣā vai pratiṣṭhitā
triṇavasya viṣṭutiḥ pratitiṣṭhati ya etayā stute

25.1-3

saptabhyo hiṅkaroti sa tisṛbhissa ekayā navabhyo
hiṅkaroti sa ekayā sa tisṛbhissa pañcabhirekādaśabhyo hiṅkaroti sa pañcabhissa tisṛbhiḥ sa tisṛbhirudyatī triṇavasya viṣṭutiḥ

25.2-3

etayā vai devāḥ svargaṃ lokamāyan svargakāmaḥ stuvīta svargasya lokasya samaṣṭyai svargāllokānna cyavate
tuṣṭuvāno'bhikrāmantī viṣṭutirabhikrāntyā evābhikrāntena hi yajñasṛdhnoti tasmādetayā stotavyamṛdhyā eva

25.1-4

ekādaśabhyo hiṅkaroti sa tisṛbhissa saptabhissa
ekayaikādaśabhyo hiṅkaroti sa ekayā sa tisṛbhissa
saptabhirekādaśabhyo hiṅkaroti sa saptabhissa ekayā
sa tisṛbhiḥ

25.2-4

anto vai trayastrim̐śaḥ paramo vai trayastrim̐śastomānām̐ saptabhirvihitaikā paricarā sapta grāmyāḥ paśavo yajamānaḥ paricarā yatsaptabhirvidadhātyekā paricarā
bhavati yajamānameva tadantataḥ paśuṣu pratiṣṭhāpayatyeṣā
vai pratiṣṭhitā trayastrim̐śasya viṣṭutiḥ pratitiṣṭhati ya
etayā stute

Linked texts (4)