Pramāṇa · Search · About · API

Vimshabrahmana 35: atha caturthādhyāyaḥ

Viṃśabrāhmaṇa 35

Language
Sanskrit

Contents

atha caturthādhyāyaḥ

35.p1

atha prathamaḥ khaṇḍaḥ

35.1

gāvo vā etat satramāsata tāsāṃ daśasu māssu
śṛṅgāṇyajāyanta tā abruvannarāḥ smottiṣṭhāmopemā no'ṅgateti tā udatiṣṭhan

35.2

tāsāntvevābrunnāsāmahā evemau dvādaśau māsau saṃvvatsaramāpayāmeti tāsāndvādaśasu māḥsu śṛṅgāṇi prāvarttanta tāḥ sarvamannādyamāpnuvam̐stā enāstūparāstasmāttāḥ sarvvāndrādaśamāsaḥ prerate sarvam̐hi tā annādyamāpnuvan

35.3

sarvvamannādyamāpnoti ya evaṃ veda

35.4

prajāpatirvā idameka āsīt so'kāmayata bahu
syāṃ prajāyeyeti sa etamatirātramapaśyattamāharattenāhorātre prājanayat

35.5

yadeṣo'tirātro bhavatyahorātre eva prajanayantyahorātrayoḥ pratitiṣṭhantyetāvānvāva samvatsaro yadahaśca rātriścāhorātrābhyāmeva tatsamvatsaramāpnuvanti

35.6

yajjyotiṣṭomo bhavati yajñamukhantadṛdhnuvanti yaduktho
yajñakratoranantaraṇāya yadrātriḥ sarvasyāptyai

35.7

sa etān stomānapaśyat jyotirgaurāyurītīme vai
lokā ete stomā ayameva jyotirayamamadhyamo gaurasāvuttama āyuḥ

35.8

yadete stomā bhavantīmāneva lokān prajanayantyeṣu
lokeṣu pratitiṣṭhanti

35.9

sa etantryahaṃ punaḥ prāyuṅkta tena ṣaḍahena ṣaḍṛtūn prājanayat

35.10

yadeṣa ṣaḍaho bhavati ṛtūneva prajanayanti ṛtuṣu pratitiṣṭhanti

35.11

sa etaṃ ṣaḍahaṃ punaḥ prāyuṅkta tābhyāṃ dvābhyāṃ
ṣaḍahābhyāṃ dvādaśamāsaḥ prājanayat

35.12

yadetau dvau ṣaḍhau bhavato māsāneva prajanayanti
māseṣu pratitiṣṭhanti

35.13

sa etau dvau ṣaḍahau punaḥ prāyuṅkta taiścaturbhiḥ ṣaḍahaiścaturviṃśatimarddhamāsān prājanayat

35.14

yadete catvāraḥ ṣaḍahā bhavantyarddhamāsāneva prājanayantyarddhamāseṣu pratitiṣṭhanti

35.15

sa idaṃ bhuvanaṃ prajanayitvā pṛṣṭyena ṣaḍahena vīryyamātmanyadhatta

35.16

yadeṣa pṛṣṭyaḥ ṣaḍaho bhavati vīryya evāntataḥ pratitiṣṭhanti

35.17

tena māsān savm̐vatsaraṃ prājanayadyadeṣamāso bhavati
savm̐vatsarameva prajanayanti savm̐vatsare pratitiṣṭhanti

35.17.p1

iti tāṇḍyamahābrāhmaṇe caturthādhyāyasya prathamaḥ khaṇḍaḥ

Linked texts (5)