Vimshabrahmana 37: atha tṛtīyaḥ khaṇḍaḥ
Viṃśabrāhmaṇa 37
- Language
- Sanskrit
atha tṛtīyaḥ khaṇḍaḥ
37.1
abhīvartto brahmasāma bhavati
37.2
abhīvarttena vai devāḥ svargaṃ lokamabhyavarttanta yadabhīvartto brahmasāma bhavati svargasya lokasyābhivṛtyai
37.3
ekākṣaranidhano bhavatyekākṣarā vai vāgvācaiva tadārabhya svargaṃ lokaṃ yanti
37.4
sāmneto yantyṛcā punarāyanti
37.5
sāma vā asau loka ṛgayaṃ yadidaḥ sāmnā yanti
svargaṃ lokamārabhya yanti yadṛcā punarāyantyasmin loke
pratitiṣṭhanti
37.6
yatsāmāvasṛjeyurava svargāllokātpadyeranyadṛcamanusṛjeyurbhraśyeyurasmāllokāt
37.7
samāna sāma bhavatyanyonyaḥ pragātho'nyadanyāddhi
citramadhvānamavagacchanneti
37.8
vṛṣā vā eṣa retodhā yadabhīvarttaḥ pragātheṣu reto dadhadeti yaditaḥ samānaᳵsāma bhavatyanyo'nyaḥ pragātho
reta eva taddadhati yatparastāt samānaḥ pragātho bhavatyanyadanyatsāma reta eva taddhitaṃ prajanayanti
37.9
sāmnaitaḥ pragāthāṃ dugdhe pragāthena parastātsāmāni
dugdhe salomatvāya
37.10
ye vā adhvānaṃ punarnirvarttayanti nainaṃ te gacchanti ye
'punarnirvartta yanti te gacchanti
37.11
ya āstutaṃ kurvate yathā dugdhāmupasīdedevantat
37.12
ye nāstutaṃ yaṃ kāmaṃ kāmayante tamabhyaśnavate
37.13
brahmavādino vadanti yātayāmāḥ sam̐vam̐tsarā 3 ayātayāmā 3 iti te nāyātayāmeti vaktavyaṃ punaranyāni
stotrāṇi nivarttanta ūrddhameva brahmasāmaiti
Linked texts (4)
- Nidānasūtra — Patañjali (grammarian), Sanskrit
- Sāmavedabrāhmaṇānyaṣṭau — Sanskrit
- Pañcaviṃśa — Sanskrit
- Tāṇḍya or Pañcaviṃśa-brāhmaṇa — Sanskrit