Pramāṇa · Search · About · API

Vimshabrahmana 41: atha saptamaḥ khaṇḍaḥ

Viṃśabrāhmaṇa 41

Language
Sanskrit

atha saptamaḥ khaṇḍaḥ

41.1

ātmā vā eṣa saṃvatsarasya yadiṣvān pakṣāvetāvabhito bhavato yena ceto'bhīvarttena yanti yaśca parastātpragātho bhavati tāvubhau viṣuvati kāryyā pakṣāveva tadyajñasyātman pratidadhati svargasya lokasya samaṣṭyai

41.2

“indrakratunna ābhare”ti pragātho bhavati

41.3

vasiṣṭho vā etaṃ putrahato'paśyat sa prajayā paśubhiḥ
prājāyata yadeṣa pragātho bhavati prajātyai

41.4

jīvā jyotiraśīmahīti ye vai svasti sanvam̐tsaragm̐santaranti te jīvā jyotiraśnuvate

41.5

māno ajñātā vṛjanā durādhyo māśivāso'vakamuriti ye vai stenā ripavaste durādhyastāneva tadatikrāmanti

41.6

tvayā vayam pravataḥ śaśvatīrapo'ti śūra tarāma so'tisanvam̐tsaro vai pravataḥ śaśvatīrapastameva tattaranti

41.7

adyādyāśvaḥ śvastvānidā hyo naro vayamenamahidā
hya iti santatayaḥ pragāthā bhavanti teṣāmekaḥ kāryyaḥ
salomatvāya śvastanamevābhisantanvanti

41.8

atho khalvāhurindra kratunna ābharetyeva kāryyaḥ
samṛddhyai

41.9

pratyavarohiṇo māsā bhavanti

41.10

yathā vā ito vṛkṣaṃ rohantyevamenaṃ pratyavarohanti
svargameva tallokaṃ rūḍhvā'smim̐lloke pratitiṣṭhanti

Linked texts (3)