Pramāṇa · Search · About · API

Vimshabrahmana 45: atha prathamaḥ khaṇḍaḥ

Viṃśabrāhmaṇa 45

Language
Sanskrit

atha prathamaḥ khaṇḍaḥ

45.1

vāmadevyaṃ mahāvrataṃ kāryyam

45.2

trivṛcchiro bhavati

45.3

trivṛddhayeva śirolomatvagasthi

45.4

pāṅka itara ātmā loma tvaṅmāṃsamasthi majjā

45.5

sakṛddhiṅkatena śirasā pārācā stuvate

45.6

tasmācchiro'ṅgāni medyanti nānumedyati na kṛśyantyanu kṛśyati

45.7

punarabhyāvarttamitareṇātmanā stuvate tasmāditara ātmā medyati ca kṛśyati ca

45.8

arkavatīṣu gāyatrīṣu śiro bhavati

45.9

annaṃ vā arko brahmavarcasaṃ gāyatryannādyaṃ caivebhyo brahmavarcasañca mukhato dadhāti

45.10

pañcadaśasaptadaśau pakṣau bhavataḥ pakṣābhyāṃ vai yajamāno vayò bhūtvā svargaṃ lokamiti

45.11

tāvāhuḥ samau kāryau pañcadaśau vā saptadaśau vā
savīvadhatvāya

45.12

tadvāhuryatsamau bhavata ekavīryau tarhi bhavata iti
pañcadaśasaptadaśāveva kāryau sācīva vai vayaḥ pakṣau kṛtvāpatītaḥ patati

45.13

dakṣiṇato bṛhatkāryaṃ dakṣiṇo vā arddha ātmano vīryyavattaraḥ

45.14

atho khalvāhuruttarata eva kāryaṃ brāhmaṇāccham̐sino'rddhāta traiṣṭubhaṃ vai bṛhatraiṣṭubho brāhmaṇāccham̐sī
traiṣṭubhaḥ pañcadaśastomaḥ

45.15

dakṣiṇato rathantaraṃ kāryyammaitrāvaruṇasyārddhādgāyatraṃ vai
rathantaraṃ gāyatro maitrāvaruṇo gāyatraḥ saptadaśastomaḥ

45.16

ekavim̐śaṃ pucchaṃ bhavati

45.17

ekavim̐śo vai stomānāṃ pratiṣṭhā tasmādvayaḥ pucchena pratiṣṭhāyotpatati pucchena pratiṣṭhāya niṣīdati

45.18

yajñāyajñīyaṃ pucchaṃ kāryyaṃ yajñāyajñīyam̐ hyeva mahāvratasya puccham

45.19

atho khalvāhurātiśayaṃ vai dvipadāṃ yajñāyajñīyaṃ bhadrameva kārya̍ṃ samṛddhayai

Linked texts (3)