Vimshabrahmana 46
Viṃśabrāhmaṇa 46
- Language
- Sanskrit
46.1
vāmadevyammahāvrataṃ kāryyantasya gāyatra̍ṃśiro bṛhadrathantare pakṣau yajñāyajñīyaṃ puccham
46.2
yo vai mahāvrate sahasraṃ protam̐veda prasahasraṃ paśūnāpnoti
46.3
tasya prācī dik śirastacchandobhiḥ sahasramasāvanyataraḥ pakṣaḥ sanakṣatraiḥ sāhastro'yamantaraḥ pakṣaḥ sa
oṣadhibhiśca vanaspatibhiśca sāhastro'ntarikṣamātmā
tadvayobhiḥ sāhastraṃ pratīcī dik pucchantadagnibhiśca
raśmibhiśca sāhastraṃ prasahasraṃ paśūnāpnoti ya evaṃ veda
46.4
tadāhurapṛṣṭhaṃ vai ṣvāmadevyamanidhana̍ṃhīti
46.5
anāyatanaṃ vā etat sāma yadanidhanam
46.6
rājanammahāvrataṃ kāryyam
46.7
etadvai sākṣādannaṃ yadrājanaṃ pañcavidhaṃ bhavati pāṅktaṃ hyannam
46.8
hiṅkāravadbhavati tena 'vāmadevyasya rūpam
46.9
nidhanavadbhavati tena pṛṣṭhasya rūpam
46.10
aticchandaḥsu pañcanidhanaṃ 'vāmadevyaṃ brahmasāma kāryyam
46.11
ati vā eṣā'nyāni cchandām̐si yadaticchandā
atyetadanyānyahānyaharyanmahāvratam
46.12
brahmasāmnaiva tadanyānyahānyatimedyati
46.13
pañcanidhanaṃ bhavati pāṅktam̐hyannam
Linked texts (3)
- Sāmavedabrāhmaṇānyaṣṭau — Sanskrit
- Pañcaviṃśa — Sanskrit
- Tāṇḍya or Pañcaviṃśa-brāhmaṇa — Sanskrit