Vimshabrahmana 49: atha pañcamaḥ khaṇḍaḥ
Viṃśabrāhmaṇa 49
- Language
- Sanskrit
atha pañcamaḥ khaṇḍaḥ
49.1
āsandīmāruhyodgāyati devasākṣya eva tadupāriṣadyaṃ
jayati
49.2
audumbarī bhavattyūrgudumbara ūrjamevāvarundhe
49.3
prādeśamātrī bhavatyasya lokasyānudghānāya
49.4
chandobhirārohati svargameva tallokamārohati
49.5
chandobhirupāvarohatyasmim̐lloke pratitiṣṭhati
49.6
sarvveṇātmanā samuddhṛtyodgeyameṣu lokeṣu nedvyāhito'sānīti
49.7
ekasyā m̐ stotrīyāyāmastutāyāṃ pādāvupāharati
49.8
saha nidhanena pratiṣṭhāmupayantyeṣveva lokeṣu pratitiṣṭhanti
49.9
preṅkhāmāruhya hotā śam̐sati mahasa eva tadrūpaṃ kriyate
49.10
yadā vai prajā maha āviśati preṅkhāṃstarhyārohanti
49.11
phalakamāruhyādhvaryuḥ pratigṛṇāti
49.12
kūrcānitare'dhyāsata ūrddhā eva tadutkrāmanto yanti
49.13
abhigarāpagarau bhavato nindatyenānanyaḥ prānyaḥ
śam̐sati ya enānnindati pāpmānameṣām̐ so'pahanti yaḥ
praśam̐sati yadevaiṣāṃ suṣṭutam̐suśastaṃ tat so'bhigṛṇāti
49.14
śūdrāryyau carmmaṇi vyāyacchete tayorāryyaṃ 'varṇamujjāpayanti
49.15
devāśca vā asurāścāditye vyāyacchantastandevā
abhyajayam̐stato devā abhavan | parāsurā abhavannātmanā
parāsya bhrātṛvyo bhavati ya evaṃ veda
49.16
yadāryyaṃ varṇamujjāpayantyātmānameva tadujjāpayanti
49.17
parimaṇḍalaścarma bhavatyādityasyaiva tadrūpaṃ kriyate
49.18
sarvāsu sraktiṣu dundubhayo 'vadanti yā 'vanaspatiṣu
vāktāmeva tajjayanti
49.19
bhūmidundubhirbhavati yā pṛthivyāṃ vāktāmeva tajjayanti
49.20
sarvā vāco 'vadanti yeṣu lokeṣu vāktāmeva
tajjayanti
49.21
sannaddhāḥ kavacinaḥ pariyantīndriyasyaiva tadrūpaṃ kriyate'tho mahāvratameva mahayanti
Linked texts (6)
- Kāṭhakasaṃhitā — Sanskrit
- Pañcaviṃśa — Sanskrit
- Tāṇḍya or Pañcaviṃśa-brāhmaṇa — Sanskrit
- Sāmavedabrāhmaṇānyaṣṭau — Sanskrit
- Kāṭhakaśākhā — Sanskrit
- Kāṭhakasaṃhitā — Sanskrit