Vimshabrahmana 50
Viṃśabrāhmaṇa 50
- Language
- Sanskrit
Contents
- 50.15 — 1 part
50.1
sarve sahartvijo mahāvratena stuvīran
50.2
adbhūvaryyuḥ śirasodgāyenmaitrāvaruṇo dakṣiṇena pakṣeṇa
brāhmaṇācchaṃsyuttareṇa gṛhapatiḥ pucchenodgātātmanā
50.3
tadyadyevaṃ kuryyurekaikayā stotrīyayā'stutayodgātāramabhisameyuḥ
50.4
tisṛbhirudgātā'tmana udgīyātha yā śirasaḥ stotrīyā,
tāṃ dadhyādaparābhistisṛbhirudgīyātha yā dakṣiṇasya pakṣasya,
stotrīyā tāndadhyādaparābhistisṛbhirudgīyātha yottarasya
pakṣasya stotrīyā tāndadhyāttisṛbhirvaikayā vā stutaṃsyādatha yā pucchasya stotriyā tāndadhyāt
50.5
ātmanyeva tadaṅgāni pratidadhāti svargasya lokasya
samaṣṭyai
50.6
atho khalvāhuḥ kathamadhvaryurbahvṛcaḥ sāma gāyedityudgātaiva sarveṇodgāyettadeva samṛddhaṃ samṛddhāveva pratitiṣṭhanti
50.7
havirddhāne śirasā stutvā saṃrabdhāḥ pratyañca eyuste
dakṣiṇena dhiṣṇyān parītya paścānmatrāvaruṇasya dhiṣṇyasyopaviśya rathantareṇa pañcadaśena stuvīram̐sta udañcaḥ
sam̐sarpeyurjaghanena hoturdhiṣṇyaṃ paścādbrāhmaṇāccham̐sino
dhiṣṇyasyopaviśya bṛhatā saptadaśena stuvīram̐ste | yenaiva
prasarpeyustena punarniḥsṛpyottareṇāgnīdhraṃ parītya paścādgārhapa
tyasyopaviśya pucchenaikavim̐śena stuvīram̐ste yenaiva
niḥsarpeyustena punaḥ prasṛpya yathāyatanamupaviśyāsandīmāruhyodgātātmanodgāyeti
50.8
taṃ patnyo'paghāṭilābhirupagāyantyārtvijyameva tatpatnyaḥ kurvanti saha svargam̐llokamayāmeti
50.9
kule kule'nnaṃ kriyate tadyatpṛccheyuḥ kimidaṃ kurvvantītīme yajamānā annamatsyantīti brūyuḥ
50.10
yo vai dīkṣitānāṃ pāpaṃ kīrttayati tṛtīyamevā'syaṃ
pāpmanoharatyannādastṛtīyaṃ pipīlikāstṛtīyam
50.11
parimādbhiścaranti tvakca vā etalloma ca mahāvratasya
yat parimādastvacañcaiva talloma ca mahāvratasyāptvāvarundhate
50.12
vāṇaṃ ṇvitanvantyanto vai ṇvāṇo'nto mahāvratamantenaiva tadantamabhivādayanti
50.13
śatatantrīko bhavati śatāyurvai puruṣaḥ śatavīryyaḥ
50.14
tamullikhet‘prāṇāya tvā'pānāya tvā vyānāya tveti
prāṇāpānavyānāneva tadāptvā'varundhate’
50.15
parikumbhindho mārjālīyaṃ yan‘tīdammadhvidamadhvi’ti
saghoṣā eva tadvayo bhūtvā saha svargam̐ llokaṃ yanti
50.15.p1
iti tāṇḍyamahābrāhmaṇe pañcamādhyāyasya ṣaṣṭhaḥ khaṇḍaḥ
Linked texts (3)
- Sāmavedabrāhmaṇānyaṣṭau — Sanskrit
- Pañcaviṃśa — Sanskrit
- Tāṇḍya or Pañcaviṃśa-brāhmaṇa — Sanskrit