Vimshabrahmana 51
Viṃśabrāhmaṇa 51
- Language
- Sanskrit
Contents
- 51.11 — 1 part
51.1
devā vai 'vācaṃ 'vyabhajanta tasyā yo raso'tyaricyata
tadgaurīvitamabhavadanuṣṭubhamanu pariplavate 'vāganuṣṭubvāco
raso gaurīvitam
51.1-2
devāḥ khalu purā vācaṃ chandorūpāṃ vyabhajanta gāyatrīṃ prātaḥsavane
agnaye vasubhyo vyabhajanta | triṣṭubhaṃ mādhyandine savane indrāya rudrebhyo
vyabhajanta| jāgataṃ tṛtīyasavane viśvebhyo devebhya ādityebhyo vyabhajanta
evaṃ vibhajyamānāyāstasyā vācaḥ yo rasaḥ sāro'tyaricyata tadgaurīvitannāma sāmābhavat | tacca anuṣṭubhamanulakṣya pariplavate sañcarati | kutaetat ? yadidamanuṣṭupchandaḥ sā vāk gaurīvitaṃ ca vāco rasaḥ ato
anuṣṭupchandaskāmevarttaṃ ādhāratayā gṛhṇāti
51.2
yadgaurīvitenānvahaṃ stuvate 'vācyeva tadvācā rasandadhati
51.3
rasavadvācā 'vadati ya evaṃ 'vedeti
51.4
hyudāsambhavati svargasya vā etau lokasyāvasānadeśau pūrveṇaiva pūrvamahaḥ saṃ'sthāpayantyuttareṇottaramaharabhyativadanti
51.5
etadvai yajñasya śvastanaṃ yadgaurīvitaṃ yadgaurīvitamanusṛjeyuraśvastanā aprajasaḥ syuḥ
51.6
saṃ vā anyo yajñastiṣṭhata ityāhurvāgeva na santiṣṭhata iti yadgaurīvitamanvahaṃ bhavati vācameva tatpunaḥ
prayuñjate
51.7
svarṇidhanamanvahaṃ bhavati
51.8
devakṣetraṃ vā ete'bhyārohanti ye svarṇidhanamupayanti
sa u vai satriraṇaḥ satramupanayedityāhuryya enāndevekṣetramadhyārohayediti na vai devakṣetra āsīna ārttimārcchati
yat svarṇidhanamanvahaṃ bhavati naiva kāñcanārttimārcchanti
51.9
cyavante vā ete'smāllokādityāhurye svarṇidhanamupayantīti yahṛcā svarūpaṃ yantyasmim̐lloke prati tiṣṭhanti yadekāro'ntarikṣe yatsāmnāmuṣminsarveṣu lokeṣu
prati tiṣṭhanti svarṇidhanena tuṣṭuvānāḥ
51.10
sujñānaṃ bhavati
51.11
devā vai svargam̐llokaṃ yanto'jñānādabibhayusta etat
sujñānamapaśyam̐stena jñātramagacchanyat sujñānamanvahaṃ bhavati jñātrameva gacchanti
51.11.p1
iti tāṇḍyamahābrāhmaṇe pañcamādhyāyasya saptamaḥ khaṇḍaḥ
Linked texts (3)
- Pañcaviṃśa — Sanskrit
- Tāṇḍya or Pañcaviṃśa-brāhmaṇa — Sanskrit
- Sāmavedabrāhmaṇānyaṣṭau — Sanskrit