Vimshabrahmana 53: atha navamaḥ khaṇḍaḥ
Viṃśabrāhmaṇa 53
- Language
- Sanskrit
atha navamaḥ khaṇḍaḥ
53.1
ekāṣṭakāyāṃ dīkṣeran
53.3
eṣā vai sam̐vvatsarasya patnī yadekāṣṭakaitasyāṃ vā etām̐
rātriṃ vasati sākṣādeva tat sam̐vvatsaramārabhya dīkṣante
tasya sāniryyā yadapo'nabhinandanto'bhyavayānti
53.4
vicchinnaṃ vā ete saṃvvatsarasyābhidīkṣante ya ekāṣṭakāyāṃ dīkṣante'ntanāmānābṛtū bhavete
53.5
ārttaṃ vā ete saṃvvatsarasyābhi dīkṣante ye'ntanāmānāvṛtū abhi dīkṣante
53.6
tasmādekāṣṭakāyāṃnna dīkṣyam
53.7
phālgune dīkṣeran
53.8
mukhaṃ vvā etatsaṃvvatsarasya yat phālguno mukhata eva
tatsaṃvvatsaramārabhya dīkṣante
53.9
tasya sāniryā yatsammeghe viṣuvān sampadyate
53.10
citrāpūrṇamāse dīkṣeran
53.11
cakṣurvā etatsavam̐tsarasya yaccitrāpūrṇamāso mukhato
vai cakṣurmukhata eva tatsavam̐tsaramārabhya dīkṣante tasya na
niryāsti
53.12
caturahe purastāt paurṇamāsyā dīkṣeran
53.13
teṣāmekāṣṭakāyāṃ krayaḥ sampadyate tenaikāṣṭakānna saṃṣaṭ kurvanti
53.14
teṣāṃ pūrvapakṣe sutyā sampadyate pūrvapakṣe māsāḥ
santiṣṭhamānā yanti pūrvapakṣa uttiṣṭhanti tānuttiṣṭhataḥ
paśava oṣadhayo'nūttiṣṭhanti tānkalyāṇī vāgabhivadatyarātsurime satriṇa iti te rādhnuvanti
Linked texts (3)
- Sāmavedabrāhmaṇānyaṣṭau — Sanskrit
- Pañcaviṃśa — Sanskrit
- Tāṇḍya or Pañcaviṃśa-brāhmaṇa — Sanskrit