Pramāṇa · Search · About · API

Vimshabrahmana 58

Viṃśabrāhmaṇa 58

Language
Sanskrit

58.1

prajāpatirdevebhya ūrjaṃ vyabhajatata uda़umbaraḥ samabhavatprājāpatyo vā udumbaraḥ prājāpatya udgātā yadudgātaudumbarīṃ prathamena karmaṇānvārabhate svayaiva taddevatayātmānamārtvijyāya vṛṇīte

58.2

tāmucchrayati "dyutānastvā māruta ucchrayatūddivaṃ
stabhānāntarikṣaṃ pṛṇaṃ dṛgṃṛha pṛthivīm”

58.3

tāmanvārabhata "āyoṣṭvā sadane sādayāmyavataśchāyāyāgṃ samudrasya hṛdaya" iti

58.4

yajño vā āyustasya tatsadanaṃ kriyate

58.5

yajño vā avati tasya sā cchāyā kriyate

58.6

madhyato vā ātmano hṛdayantasmānmadhye sadasa audumbarī mīyate

58.7

"namaḥ samudrāya namaḥ samudrasya cakṣuṣa" ityāha vvāgvai
samudro manaḥ samudrasya cakṣustābhyāmeva tannamaskaroti

58.8

"māmā yūnarvvā hāsīdi"tyāha sāma vai yūnarvvā sāmna eva tannamaskarotyārtvijyaṃ kariṣyan

58.9

yo vā evaṃ sāmne namaskṛtya sāmnārtvijyaṃ karoti
na sāmno hīyate nainam̐ sāmāpahate

58.10

ya enamanuvyāharati sa ārtimārcchati

58.11

“ūrggasyūrjādā ūrjjaṃ me dehyūrjjaṃ me dhehyannaṃ me dehyannaṃ
me dhehi” prajāpatervvā etadudaraṃ yatsada ūrgudumbaro yadaudumbarī madhye sadaso mīyate madhyata eva tatprajābhyo'nnamūrjandadhāti

58.12

tasmādyatraiṣā yātayāmā kriyate tat prajā aśanāyavo bhavanti

58.13

sāma devānāmanra sāmanyeva taddevebhyo'nna ūrddhandadhāti sa eva tadūrji śritaḥ prajābhya ūrddhaṃ vibhajati

58.14

udaṅṅāsīna udgāyatyudīcīntāddiśamūrddhā bhājayati pratyaṅṅāsīnaḥ prastauti pratīcīntāddiśamūrjā
bhājayati dakṣiṇāsīnaḥ pratiharati dakṣiṇāmtāddiśamūrddhā bhājayati prāñco'nya ṛtvija ārtvijyaṃ kurvvanti tasmādeṣā diśāṃ vīryyavattamaitām̐ hi bhūyiṣṭhāḥ
prīṇanti

58.15

brahmavādino vadanti kasmātsatyātprāñco'nya ṛtvija ārtvijyaṃ kurvvantīti viparikramyodgātāra iti
diśāmabhīṣṭyai diśāmabhiprītyā iti brūyāttasmātsarvvāsu dikṣvanna viṃdyate sarvvā hyabhīṣṭāḥ prītāḥ

Linked texts (6)