Pramāṇa · Search · About · API

Vimshabrahmana 61: atha saptamaḥ khaṇḍaḥ

Viṃśabrāhmaṇa 61

Language
Sanskrit

atha saptamaḥ khaṇḍaḥ

61.1

bṛhaspatirvai devānāmudagāyattaṃ rakṣāṃsyajighāṃsan sa ya eṣāṃ lokānāmadhipatayastān bhāgadheyenopādhāvat

61.2

sūryo mā divyābhyo nāṣṭrābhyaḥ pātu vāyurantarikṣābhyo'gniḥ pārthivābhyaḥ svāheti juhoti

61.3

ete vā eṣāṃ lokānāmadhipatayastān bhāgadheyenopāsarat

61.4

karoti vācā vīryyanna sadasyāmārttimārrchati ya
evaṃ veda

61.5

vāgvai devebhyo'pākrāmattāṃ devā anvamantrayanta sā'bravīdbhāgāsmi bhāgadheyamme'stviti kaste bhāgadheyaṃ
kuryuyādityudgātāra ityabravīdudgātāro vai vāce bhāgadheyaṃ
kurvvanti

61.6

tasyai juhuyād bekurānāmānsi juṣṭā devebhyo namo
vāce namo vācaspataye devi vāgyattaṃ vāco madhumattasmin mā dhāḥ sarasvatyai svāheti

61.7

vāgvai sarasvatī tāmeva tadbhāgadheyenārabhate

61.8

yaṃ dviṣyāttasyaitāmāhutiñjuhuyādvācaṃ manasā dhyāyedvācamevāsya vṛṅkte

61.9

bahiṣpavamānaṃ sarpanti svargameva tallokam̐sarpanti

61.10

prakvāṇā iva sarpanti pratikūlamiva hītaḥ svargo lokaḥ
tsaranta iva sarpanti mṛgadharmmā vai yajño yajñasya śāntyā
apratrāsāya

61.11

vācaṃ yacchanti yajñameva tadyacchanti yadyavyavavadeyuryajñaṃ
nirbrūyustasmānna vyavavadyam

61.12

pañcartvijaḥ sam̐rabdhāḥ sarpanti pāṅkto yajño yāvān
thajñastameva santanvanti

61.13

yadi prastotā'vacchidyate yajñasya śiraśchidyate brahmaṇe varandatvā sa eva punarvvarttavyaśchinnameva tatpratidadhāti

61.14

yadyudgātāvacchidyate yajñena yajamāno vyṛddhyate'dakṣiṇaḥ sa yajñakratuḥ saṃsthāpyo'thānya āhṛtyastasmindeyaṃ
yāvadvāsyan syāt

61.15

yadi pratiharttā'vacchidyate paśubhiryajamāno vyṛddhyate
paśavo vai pratiharttā sarvvavedasandeyaṃ yadi sarvvavedasamna
dadāti sarvvajyāniñjīyate

61.16

adhvaryyuḥ prastaraᳪ harati

61.17

yajamāno vai prastaro yajamānameva tat svargam̐llokaᳪ
harati

61.18

yajño vai devebhyo'śvobhūtvāpākattaṃ devāḥ prastareṇā
ramayam̐stasmādaśvaḥ prastareṇa sammṛjyamāna upāvaramate
yadadhvaryuḥ prastara harati yajñasya śāntyā apratrāsāya

61.19

prajāpatiḥ paśūnasṛjata te'smāt sṛṣṭā aśanāyanto'pākrāmam̐stebhyaḥ prastaramannaṃ prāyacchatta enamupāvarttanta tasmādadhvaryuṇā prastara īṣadiva vidhūyo vidhūtamiba hi tṛṇaṃ paśava upāvarttante

61.20

uṣainaṃ paśava āvarttante ya evaṃ veda

61.21

prastaramāsadyodgāyeddhaviṣo'skandāya

61.22

yajamānantu svargāllokādavagṛhṇāti

61.23

aṣṭhīvatopaspṛśatodgeyantenāsya haviraskannaṃ bhavati
na yajamānam̐ svargāllokādavagṛhṇāti

61.23-2

aṣṭhīvatā jānunopaspṛśatā tannāsañjayatā prastaramudgeyam | āsañjayatāddhaviṣo'skandaḥ bhūmeḥ upari sthāpanāt svargādanavagrahaśca bhavati

61.24

cātvālamavekṣya bahiṣpavamānam̐ stuvantyatra vā
asāvāditya āsīttaṃ devā bahiṣpavamānena svargam̐ loka
maharanyaccātvālamavekṣya bahiṣpavamānam̐ stuvanti yajamānameva tat svargam̐ lokam̐ haranti

Linked texts (5)