Vimshabrahmana 65: atha prathamaḥ khaṇḍaḥ
Viṃśabrāhmaṇa 65
- Language
- Sanskrit
atha prathamaḥ khaṇḍaḥ
65.1
ime vai lokā gāyatraṃ tryāvṛddheyantrayo hīme lokā
yattryāvṛdvāyatyebhirevainaṃ lokaiḥ sammimīte
65.2
dviravanarddeddhi kuryāttṛtīyam
65.3
yattriravanarddetprati tadgāyatram̐ recayati
65.4
yo vai gāyatreṇāpratihṛtenodgāyatyapratiṣṭhāno bhavati
hiṃkāro vai gāyatrasya pratihāraḥ
65.5
sa manasā dhyeyaḥ pratihṛtena gāyatreṇodgāyati prati
tiṣṭhati
65.6
atha prātaḥsavanasya mandrasvaratvādvahiṣpavamānasya kṛtsnasyāpi tatprāptau prathamamadhyamottamā ṛcaḥ prathamamadhyamottamasvarāḥ krameṇa karttavyā
iti vidhitsurāha—
yo vā ebhyo lokebhyo gāyatraṃ gāyati naibhyo lokebhya āvṛścyata ima enaṃ lokā ūrjā'bhisaṃvasate
65.7
mandramivāgra ādadītātha tārataramatha tāratamantadvebhyo lokebhyo 'gāsīt
65.8
aniruktaṅgeyametadvai gāyatrasya krūraṃ yanniruktaṃ yadniruktaṃ gāyati krūramevāsya parivṛṇakti
65.9
prāṇo gāyatranna vyavānyātprāṇasyāvicchedāya yadi
vyavāniti pramāyuko bhavati yadi na vyavāniti sarvvamāyureti
65.10
yadi vyavānyānmadhya ṛco vyavānyātprāṇo vai gāyatraṃ prāṇaḥ svaraḥ prāṇameva tanmadhyata ātmandadhāti sa
sarvvamāyureti
65.11
iḍāṃ paśukāmāya nidhanaṃ kuryātkhaḥ svargakāmāya yaśo
brahmavarcasakāmāyāyurāmayāvine haṣītyābhicarate
Linked texts (4)
- Pañcaviṃśa — Sanskrit
- Tāṇḍya or Pañcaviṃśa-brāhmaṇa — Sanskrit
- Sāmavedabrāhmaṇānyaṣṭau — Sanskrit
- Jaiminiśrautasūtra — Jaiminī, Sanskrit