Vimshabrahmana 67: atha dvitīyaḥ khaṇḍaḥ
Viṃśabrāhmaṇa 67
- Language
- Sanskrit
atha dvitīyaḥ khaṇḍaḥ
67.1
prajāpatirdevebhya ātmānaṃ yajñaṃ kṛtvā prāyacchatte'nyonyasmā agrāya nātiṣṭhanta tānabravīdājimasminniteti
ta ājimāyanyadājimāyaṃstadājyānāmājyatvam
67.2
sa indro'vedagnivaividamugra ujjeṣyatīti so'bravīdyataronāvadamagra ujjadyattannau saheti so'gniragra udajayadatha mitrāvaruṇāvathendro'thaiṣaikā hotrānujjitā sītsa indro'gnimabravīdyatsahāvocāvahi yannau taditi saiṣendrāgnyadhyarddhamagne stotramabhyarddhamindrasya
67.3
catvāri santi ṣaḍdevatyāni
67.4
ṣaḍdhā vihito yajño yāvānyajñastamevārabhate
67.5
sarvāṇi svārāṇyājyāni tajjāmi nānādevatyaiḥ
stuvantyajāmitāyai
67.6
grāmyebhyo vā etatpaśubhyaḥ stuvanti yadājyaiḥ punarabhyāvarttam̐stuvanti tasmātparāñcaḥ prāñcante pratyañcaḥ
prajāyante tasmādu pretya punarāyanti
Linked texts (3)
- Sāmavedabrāhmaṇānyaṣṭau — Sanskrit
- Pañcaviṃśa — Sanskrit
- Tāṇḍya or Pañcaviṃśa-brāhmaṇa — Sanskrit