Vimshabrahmana 74: atha navamaḥ khaṇḍaḥ
Viṃśabrāhmaṇa 74
- Language
- Sanskrit
atha navamaḥ khaṇḍaḥ
74.1
pitā vai vāmadevyaṃ putrāḥ pṛṣṭhāni
74.2
etasmādvā etāni yonerasṛjyanta
74.3
tasmāt pṛṣṭhānā1stotraṃ vāmadevyenānuṣṭuvanti śāntyai
74.4
yaddhi putro'śāntaṃ carati pitā tacchamayati
74.5
ayaṃ vai loko madhyamo vāmadevyametasmādvā imau lokau viṣvañcāvasṛjyetāṃ bṛhacca rathantarañca
74.6
yadrathantareṇa stuvanti ye rathantarāḥ paśavo'ntarīkṣanta upaśrayanti yadbṛhatā stuvanti ye bārhatāḥ paśavo'ntarīkṣanta upaśrayanti te vāmadevyasya stotreṇāvaruddhāḥ
74.7
dhruva āsīno vāmadevyenodgāyetpaśūnāmupavṛtyai
74.8
upaineṃ paśava āvarttante yaevaṃ veda
74.9
antarikṣaṃ vai vāmadevyamadhūnvatevodgeyamaghūtamivāntarikṣaṃ paśavo vai vāmadevyamahiṃsatevodgeyaṃ paśūnāmahiꣲsāyai
74.10
kathamiva 'vāmadevyaṃ geyamityāhuḥ
74.11
yathāṃkulī putrān sandaśyāsambhrindatī harati yathā
'vāto'psu śanairdhvāti
74.12
svadhūrvāmadevyaṅgeyam
74.13
yo vai svadhūrvāmadevyaṅgāyati svadhūrbhavati
74.14
yātyasyānyo niyānena nānyasya niyānena yāti
74.15
na bṛhato na rathantarasyānurūpaṅgeyaṃ svenaivāyatanena
geyamāyatanavān bhavati
74.16
devā vai paśūn vyabhajanta te rudramantarāyam̐stānvāmadevyasya stotra upekṣate
74.17
aniruktaṅgeyam
74.18
yannirāha rudrāya paśūnapi dadhāti rudrastām̐tsamāṃ
paśūn ghātuko bhavati
74.19
revatīṣu vāmadevyena paśukāmaḥ stuvīta
74.20
āpo vai revatyaḥ paśavo vāmadevyamadbhūya evāsmai
paśūn prajanayati
74.21
anarttiḥ paśuto bhavati prajā tvasya mīliteva
bhavati
74.22
kavatabhyo hyeti prajāpateḥ
Linked texts (3)
- Pañcaviṃśa — Sanskrit
- Tāṇḍya or Pañcaviṃśa-brāhmaṇa — Sanskrit
- Sāmavedabrāhmaṇānyaṣṭau — Sanskrit