Vimshabrahmana 77: atha dvitīyaḥ khaṇḍaḥ
Viṃśabrāhmaṇa 77
- Language
- Sanskrit
atha dvitīyaḥ khaṇḍaḥ
77.1
āṣkāranidhanaṃ kāṇvaṃ pratiṣṭhākāmāya brahmasāma kuryāt
77.2
kaṇvo vā etatsāmartte nidhanamapaśyat sa na pratyatiṣṭhatsa vṛṣadaṃśasyāṣiti bruvata upāśṛṇotsa tadeva nidhanamapaśyattato vai sa pratyatiṣṭhadyadetatsāma bhavati pratiṣṭhityai
77.3
'vasiṣṭhasya janitraṃ prajākāmāya brahmasāma kuryāt
77.4
'vasiṣṭho vā etatputrahataḥ sāmāpaśyatsa prajayā paśubhiḥ prājāyata yadetatsāma bhavati prajātyai
77.5
ātharvvaṇaṃ lokakāmāya brahma sāma kuryyāt
77.6
atharvvāṇo vā etallokakāmāḥ sāmāpaśyam̐stenāmartyam̐ lokamapaśyan yadetatsāma bhavati svargasya lokasya
prajātyai
77.7
abhīvarttaṃ bhrātṛvyavate brahmasāma kuryyāt
77.8
abhīvarttena vai devā asurānabhyavarttanta yadabhīvartto
brahmasāma bhavati bhrātṛvyasyābhivṛttyai
77.9
śrāyantīyaṃ yajñavibhraṣṭāya brahmasāma kuryyāt
77.10
prajāpatiruṣamabhyaittsvāṃ duhitaraṃ tasya retaḥ parāpattattadasyāṃnyaṣiñcata tadaśrīṇādidaṃ me mā'duṣaditi tatsadakarotpaśūneva
77.11
yacchrāyantīyaṃ brahmasāma bhavati śrīṇāti caivenaᳪ
sacca karoti
Linked texts (3)
- Pañcaviṃśa — Sanskrit
- Tāṇḍya or Pañcaviṃśa-brāhmaṇa — Sanskrit
- Sāmavedabrāhmaṇānyaṣṭau — Sanskrit