Pramāṇa · Search · About · API

Vimshabrahmana 79: atha caturthaḥ khaṇḍaḥ

Viṃśabrāhmaṇa 79

Language
Sanskrit

atha caturthaḥ khaṇḍaḥ

79.1

sādhyā vai nāma devā āsaṃste sarvveṇa yajñena saha
svargam̐llokamāyaṃste devāśchandām̐syabruvantsomamāharateti te jagatīṃ prāhiṇvansā trīṇyakṣarāṇi hitvāaikākṣarā bhūtvāgacchattriṣṭubhaṃ prāhiṇvan saikamkṣaram̐hitvā
tryakṣarā bhūtvāgacchadgāyatrīṃ prāhiṇvam̐ścaturakṣarāṇi vai
tarhi cchandām̐syāsan sā tāni cākṣarāṇi harantyāgacchadaṣṭākṣarā bhūtvā trīṇi ca savanāni hastābhyāṃ dve
savane dantairdaṃṣṭvā tṛtīyasavanaṃ tasmādde ardhaṃśumatī savane dhītaṃ tṛtīyasavanaṃ dantairhi taddaṃṣṭvā dhayantyaharattasya ye hriyamāṇasyām̐śavaḥ parāpataṃste pūtīkā abhavan yāni puṣpāṇyavāśīryanta tānyarjunāni yatprāprothatte praprothāstasmāttṛtīyasavana āśiramavanayanti yameva taṃ gāvaḥ somamadanti tasya tam̐ rasamavanayanti sasomatvāya

79.3

te triṣṭubjagatyau gāyatrīmabrūtāmupa tvāāyāveti sā'bravīt kiṃ me tataḥ syāditi yatkāmayasa ityabrūtāṃ
sā'bravīnmama savvaṃ prātaḥ savanamahamuttare savane praṇayānīti tasmādgāyatraṃ prātaḥsavanaṃ gāyatryuttare savane praṇayati

79.3-2

tāntriṣṭup tribhirakṣarairupaitsaikādaśākṣarā bhūtvā
prājāyata tāñjagatyekenākṣareṇopaitsā dvādaśākṣarā bhūtvā
prājāyata

79.4

tasmādāhurgāyatrī vāva sarvāṇi cchandām̐si gāyatrī hyetān poṣān puṣyantyaiditi

79.5

indrastṛtīyasavanāddhībhatsamāna udakrāmattaddevāḥ svādiṣṭhayetyāsvādayanmadiṣṭhayeti maddhadakurvan pavasva soma dhārayetyapāvayannindrāya pātave suta iti tato vai tadindra
upāvarttata yat svādiṣṭhayā madiṣṭhayeti prastauti tṛtīyasavanasya sendratvāya

79.6

svādiṣṭhā vai deveṣu paśava āsan madiṣṭhā asureṣu
te devāḥ svādiṣṭhayā madiṣṭhayeti paśūnasurāṇāmavṛñjata

79.7

paśūn bhrātṛvyasya vṛṅkte ya evaṃ veda

79.8

tāsu sam̐hitam

79.9

sādhyā vai nāma devā āsam̐ste'svañchadya tṛtīyasavanammāndhyandinena savanena saha sva⁠rgam̐ lokamāyam̐staddevāḥ
sam̐hitena sama dadhuryatsammadadhustasmātsam̐hitam

79.10

kāleyaṃ purastādbhavati sam̐hitamupariṣṭādetābhyā⁠
hi tṛtīyasavanam̐ santāyate

79.11

sarvvāṇi vai rūpāṇi sam̐hitaṃ yatpadaprastāvantena
rāthantaraṃ yadvṛhatau rohātrohati tena bārhataṃ yatpadanidhanantena rāthantara m̐ sarvveṣveva rūpeṣu pratitiṣṭhati

Linked texts (3)