Pramāṇa · Search · About · API

Vimshabrahmana 83: athāṣṭamaḥ khaṇḍaḥ

Viṃśabrāhmaṇa 83

Language
Sanskrit

Contents

athāṣṭamaḥ khaṇḍaḥ

83.1

devā vā agniṣṭomamabhijityeākthāni nāśknuvannabhijitunte'gnimabruvaṃstvayā mukhenedañjayāmeti so'bravīt
kimme tataḥ syāditi yatkāmayasa ityabruvan so'bravīnmaddevatyāsūkthāni praṇayāniti

83.2

tasmādāgneyīṣūkthāni praṇayanti

83.2-2

gantavyaḥ

83.3

tasmādu gāyatrīṣu gāyatracchandā hyagniḥ

83.4

te'gnimmukhaṃ kṛtvā sākamaśvenābhyakrāman yatsākamaśvenābhyakrāmaṃstasmāt sākamaśvam

83.5

tasmātsākamaśvenokthāni praṇayantyetena hi tānyagre'bhyajayan

83.6

sa indro'bravītkaścāhañcedamanvavaiṣyāva ityahañceti
tvaruṇastaṃ tvaruṇo'nvatiṣṭhadindra āharattasmādaindrāvāruṇamanuśasyate

83.7

sa evābravītkaścāhaṃ cedanvavaiṣyāva ityahañceti bṛhaspatistaṃ bṛhaspatiranvatiṣṭhadindra āharattasmādaindrābārhaspatyamanuśasyate sa evābravītkaścāhaṃ cedanvavaiṣyāva ityahañceti viṣṇustaṃ viṣṇuranvatiṣṭhadindra āharattasmādaindrāvaiṣṇavamanuśasyate

83.8

paśūn vā ebhyastānāharatpaśavo vā ukthāni paśukāma ukthena stuvīta paśumān bhavati

83.9

bṛhatā vā indro vṛtrāya ṣvajraṃ prāharattasya tejaḥ parāpatattatsaubharamabhavat

83.10

jāmi vā etadyajñe kriyata ityāhuryadyadrathantaraṃ pṛṣṭha
rathantara sandhirnāntarā bṛhatā stuvantīti yat saubhareṇa stuvanti bṛhataiva tadantarā stuvanti bṛhato hyetattejo yatsaubharam

83.11

yadi bṛhatsāmāni̱rātraḥ syātsaubharamukthānāṃ brahmasāma kāryyaṃ bṛhadeva tattejasā samad‌rdhayati

83.12

yadi rathantarasāmnā saubharaṃ kuryyādajāmitāyai

83.13

devānāṃ vai svargam̐ lokaṃ yantāṃ diśo'vlīyanta tāḥ
saubhareṇo ityudastambhuvaṃstato vai tā adṛm̐hanta tataḥ
pratyatiṣṭham̐stataḥ svargam̐ lokaṃ prājānanyaḥ svargakāmaḥ syādyaḥ pratiṣṭhākāmaḥ saubhareṇa stuvīta pra svargam̐ lokaṃ jānāti pratitiṣṭhati

83.14

prajāpatiḥ prajā asṛjata tāḥ sṛṣṭā āśanāyam̐
stābhyaḥ saubhareṇorgityannaṃ prāyacchattato vai tāḥ samaidhanta

83.15

samedhante tām̐ samāṃ prajā yatraivaṃ vidvān saubhareṇodgāyati

83.16

tā abruvantsubhṛtanno'bhārṣīriti tasmātsaubharam

83.17

vṛṣṭiṃ vā abhyastāṃ prāyacchadannameva

83.18

yo vṛṣṭikāmaḥ syādyo'nnādyakāmo yaḥ svargakāmaḥ
saubhareṇa stuvīta

83.19

hīṣiti vṛṣṭikāmāya nidhanaṃ kuryādūrgityannādyakāmāyo iti svargakāmāya

83.20

sarvve vai kāmāḥ saubharam̐ sarvveṣveva kāmeṣu pratitiṣṭhati

83.21

athaitannāmedham

83.22

nṛmedhasamāṅgirasaṃ satramāsīnam̐ śvabhirabhyāhvayan
so'gnimupādhāvatpāhi no agna ekayeti taṃ vaiśvānaraḥ
paryyudatiṣṭhattato vai sa pratyatiṣṭhattato gātumavindan

83.23

gātuvidvā etatsāma vindate gātuṃ pratitiṣṭhatyetena
tuṣṭuvānaḥ

83.24

vicchandasa ṛco bhavantyahorātrayo rūpam

83.25

naiva hyetadahno rūpaṃ na rātreryyadukthānām

83.26

kakup prathamāthoṣṇigatha purauṣṇiganuṣṭupsenānuṣṭubho
nayantyacchāvākasāmnnaḥ

83.26.p1

iti tāṇḍamahābrāhmaṇe'ṣṭamādhyāyasyāṣṭamaḥ khaṇḍaḥ

Linked texts (4)